Русский  >>  فارسی  >>  Панҷшанбе 8 декабр 2016, 14:45

Танқисии журналистон аз хона ба самъи Убайдуллоев расонда мешавад

29 август 2013, 14:43

Иттифоқи журналистони Тоҷикистон тасмим гирифтааст, ба Маҳмадсаид Убайдуллоев, раиси шаҳри Душанбе ва раисони шаҳру навоҳии дигар барои ҷудо намудани замин барои сохтмони манзил ба кормандони воситаҳои ахбори оммаи кишвар, муроҷиат намояд.

Тавре аз ин иттифоқ ба «Озодагон» иттилоъ доданд, мақсад аз ин муроҷиаташон ин аст, ки замин ё манзил ба журналистон аз тарафи шаҳрдорӣ бо нархи арзон ва бо роҳи қарздиҳӣ фурӯхта шуда, маблағи онро журналистон дар давоми 10-15 сол бе таъйини фоиз пардохт намоянд.

Масъулини Иттифоқи журналистон иброз медоранд, дар ин масъала саъй хоҳанд кард, то бо шаҳрдорӣ мувофиқа ҳосил гардад: «Комиссия иборат аз шахсони босалоҳият-аъзои Иттифоқи журналистони Тоҷикистон ва як нафар намояндаи идораи ВАО эҳтиёҷи воқеии кормандро ба манзил месанҷанд. Баъди анҷоми кори комиссия пешниҳод ва рӯйхати умумӣ аз тарафи Иттифоқи журналистон ба унвонии раисони шаҳру ноҳияҳо фиристода мешавад».

Иттифоқи журналистон аз масъулини идораҳои воситаҳои ахбори омма хоҳиш намудааст, ки рӯйхати кормандонашонро, ки ба манзил эҳтиёҷ доранд, сарфи назар аз он, ки аъзои ин иттифоқ ҳастанд ё на, то 10-уми сентябри соли равон ба ин ниҳод ирсол намоянд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба Шахрзоди Амин дар навбати аввал хона дода шавад.
Посух додан
  • Хатлон

  • 30 август 2013 08:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Устоди мухтарам Акбари Саттор мо аз соли 2005 боз дар навбати замин мунтазир нишастаем. Аризаву дигар санадхои омода намудаи мо чандин маротиба аз Коммияи таксими замини нохияхо гайб зада бошанд хам, бовар дорем сохиби замин мешавем. Танхо он ваъдахоро бояд мушовирон ба раиси Хатлон Гайбулло Авзалов ёдрас кунанд

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!