29 авг 2013 17:28Тоҷикистон / Сиёсат

Дархости дахолати парлумон ба фишорҳо болои ҲНИТ

Маҳмудҷон Файзраҳмонов, сардабири сомонаи Ҳизби наҳзати исломии Тоҷикистон ба ҳайси як шаҳрванд ва интихобкунанда аз парлумони Тоҷикистон хостааст, ба фишорҳо болои ҲНИТ расидагӣ кунад.

Файзраҳмонов, ба ҳайси як сокини деҳаи Пахтакори ноҳияи Қумсангир ба Маҷлиси Миллӣ ва Маҷлиси намояндагони Тоҷикистон барқия ирсол намуда, навиштааст, ки “вақтҳои охир тавассути расонаҳои давлатӣ, махсусан шабакаҳои радио ва телевизонии он алайҳи Ҳизби Наҳзати Исломии Тоҷикистон, созмони сиёсии расмӣ ва эътирофшуда ҳам дар дохил ва хориҷи кишвар дар марҳалаи омодагириҳо ба интихоботи президентӣ, таблиғоти муғризона, ки ҳадаф мавқеъ ва ҷойгоҳи онро ноҷиз сохтан аст, ба таври густурда идома дорад.”

Ин сокини деҳаи Пахтакор афзудааст, ки “маро ҳамчун шаҳрванди Ҷумҳурии Тоҷикистон ин фазосозиҳои носолим ва тавҳиномез сахт нигарон сохтааст.”

Файзраҳмонов илова намудааст, ки “ба ҳайси интихобкунанда аз шумо, вакилони мардумӣ мавқеъи Маҷлиси Олӣ ва намояндагони Тоҷикистонро нисбати ин вазъият фаҳмиданӣ ҳастам ва бисёр мехостам, ки дар пешгирии ин амалҳои номатлуб тадбирҳои зарурӣ меандешидед.”

Ин дархост, дар ҳолест, ки ахиран тариқи телевизионҳои давлатӣ барномаҳои зиёде алайҳи ҲНИТ пахш мешаванд. Аммо Кумитаи радио ва телевизион роҳандозии маъракаи махсус алайҳи ҲНИТ-ро рад карда, изҳор медорад, ки танҳо назари иштирокдорони ҷамъомадҳоро нашр мекунад ва уҳдадор нест, барои ради назарҳо ба ҷониби дигар минбар ироа кунад.

Мӯҳр

Хабарҳои монанд:

Муслим

Халк хамаи ин корхоро медонад, ки сохтакори ва дуруг астанд вале хукуматдорои мо ба ин корашон дили халкро гарм карда наметавонанд ки ба интихоботи пеш омада ба Чаноби оли ва хизби у овоз диханд

Ҷавоб диҳед Иқтибос Шикоят

Али

Бародари азиз икдоми хуб пеш гирифтаи мохам мардуми точик,кидар мухочиратем аз ин шармандагихои хукумат нигаронем ва инхо намефахмида бошанд,ки бо рафтори номардона мардумро бош ба ягон бетартиби мехезонанд. Агар худо нокарда чи бетартибихое дар Точикистони Азиз сар занад сабабаш ана хамин хукумату телевизион ва радио мешавад. Хой хукуматдорон о бас кунед ин аблахиро дигар бо ин рох шумо дар байни мардум эхтиром пайдо намекунед баракс тамоми мардум бо ин рафторатон лаънататон мехонад ба худ биеед наход инкадар бешармона нисбати хизбхои дигар тухмату дуруг мегуед. Наход Точиконро то ин дарача хайвонсифат шумореду дуругхои шуморо бовар кунад. Дар бораи ПАЛУМОН бошад ин бехудаас аз дасти онхо чизе намеояд унчо факат як ОВОЗ аст овози ЧО тамом. Ба хар хол аз карнайчи як пуф.

Ҷавоб диҳед Иқтибос Шикоят

фирдавс комилов

На чаноби оли на хизб ба овози ту эхтиеч надорад!

Ҷавоб диҳед Иқтибос Шикоят

Точик

Рости гап, шабакахои телевизионии Точикистонро тамошо карда, одам аз ин сохтакорихо ба газаб меояд. Хамеша дуругу сохтакориро нишон медиханд. Оё раиси Кумитаи телевизион ва радио барномахое, ки аз "Шабакаи якум", "Сафина" ва "Чахоннамо" харруз намоиш дода мешавад, тамошо мекарда бошад? Оё ин телевизионхо ягон тартиботи пахши барномахоро, мисли шабакахои телевизионии Русияро надоранд?
Ман аъзои ягон хизб нестам, лекин пахши ин хел барномахо алайхи паст кардани як хизб, ба мисли ХНИТ, амали номардии хукуматро нишон медихад, ки вазифаи асосии худ, яъне таъминоти озукавори, истиклолияти энергетики, паст кардани сатхи камбизоати ва гайрахо мебошад, ичро накарда, ба чунин амалхои беномусона машгул аст.

Ҷавоб диҳед Иқтибос Шикоят

Эзоҳ илова кунед