Русский  >>  فارسی  >>  Якшанбе 4 декабр 2016, 19:15

Даъвои зиёиён алайҳи Олга Тутубалинаро 3-юми сентябр аз нав месанҷанд

31 август 2013, 10:48

3-юми сентябри соли равон дар Додгоҳи ноҳияи Фирдавсии шаҳри Душанбе даъвои намояндаҳои зиёиёни тоҷик алайҳи Олга Тутубалина, муҳаррири ҳафтаномаи "Азия Плюс" аз сари нав санҷида мешавад.

Шуҳрат Қудратов, вакили мудофеи "Азия плюс" дар суҳбат ба “Озодагон” гуфт, дар мулоқоти навбатӣ ҳуҷҷатҳо, аз ҷумла камбудиҳои дар аризаи ҷониби даъвогар ҷойдошта ва ваколатномаҳо бори дигар баррасӣ хоҳанд шуд. Мусоҳиби мо иброз дошт, ки баъди дида баромадани камбудиҳо ва ислоҳи онҳо мурофиаи додгоҳии зиёиёни тоҷик алайҳи Олга Тутубалина, ки рӯзи 13-уми сентябр таъин шудааст, баргузор хоҳад шуд.

Додгоҳи ноҳияи Фирдавсии шаҳри Душанбе муайян намудааст, ки дар даъво ва асноди пешниҳодкардаи зиёиёни тоҷик алайҳи Олга Тутубалина, на ҳамаи камбудиҳои қаблан ошкоршуда ислоҳ гардидаанд.

Шуҳрат Қудратов мегӯяд, зимни мулоқоти ахири ҷонибҳо, ки 27-уми август доир шуд, муайян гардид, ки ҷониби даъвогар на ҳамаи камбудиҳои аризаи даъвогияшонро ислоҳ кардаанд: «Дар рафти мурофиаи гузашта ба мо маълум гардид, ки ҷониби даъвогар қисми ваколатномаҳое, ки ба Рустам Устобоев, намояндаашон дар додгоҳ пешниҳод кардаанд ба қонун мутобиқат намекунад. Ба ҷуз ин иддаои зиёиён камбудиҳои зиёди дигаре доштанд”.

Ин дар ҳолест, ки додгоҳи ноҳияи Фирдавсии шаҳри Душанбе рӯзи 19-уми август ба намояндагони зиёиёни тоҷик муҳлат дода буд то камбудиҳои даъвояшонро алайҳи Олга Тутубалина, муҳаррири "Азия Плюс" ислоҳ кунанд. Аз он пештар додгоҳи иқтисодии Душанбе аризаи даъвогии зиёиёни тоҷикро ба хотири камбудияш, ки бо забони русӣ навишта шуда буд, рад намуд.

Мавриди тазаккур аст, ки панҷ иттиҳодияи эҷодию илмӣ ва Дилбар Абдиева, номзади илмҳои тиб, дотсенти кафедраи бемориҳои венерологӣ аз болои рӯзноманигор Олга Тутубалина ва нашрияи “Азия Плюс” ба додгоҳ муроҷиат карда, ҳабси амвол ва рӯёнидани 200 ҳазор сомониро талаб карда буданд.
Даъвогари асосӣ Иттифоқи нависандагон дар ҳамроҳӣ бо Академияи улуми Тоҷикистон, Иттифоқи рассомон, Иттифоқи оҳангсозон, Иттифоқи меъморон иддао доранд, ки Тутубалина дар матлабаш “Неинтеллигентно об интеллигенции” тамоми қишри ҷомеаро, ки ба фаъолияти эҷодию илмӣ машғуланд, таҳқир кардааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Илтимос, ягон кас дар бораи ягон махсули мехнати ин панч иттиходияи эчодиву илми ва ягон усули наву самараноки табобати касалихои венерологие (гайри контрацептивхо), ки мухтарам номзади илми тибб Абдиева Д. пеш овардааст хабар дихед, то ки ман аз сафи тарафдорони Олга Тутубалина берун равам...
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Интеллигентхои лагандбардор! Лагандро то гулуи пешвоятон баланд бардоред, то ки аз гуруснаги намуранд. Чун хунар надоранд, бо ин таммалуккори шикам сер мекунанд. Вале бидонед, ки пулу чизу моли харом ба касе насиб карда, одамро харом мекушад
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аслан занхое, ки чехраи гирифта доранд, сухану гуфтору рафторашон низ кабех мешудааст. Олгахон низ чехраи безебе доштааст, и хеч мондан гиред.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин кадар корашро давом додед,агар хатто накунам ин хабарро рузи 17 ё 18 08 2013 шунидам.Хайр ин кадар точикхои мо дар ватани ин зан кор карда зиндагияшонро пеш мебаранд наход суд ё даъвогарон аз хатои кардаи ин рузноманигор нагузаранд.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!