Русский  >>  فارسی  >>  Душанбе 5 декабр 2016, 23:38

Дави 3 ҳазор километрӣ аз Душанбе то Андиҷону Урумчӣ

2 сентябр 2013, 11:16

Аз 5 то 24-уми сентябри соли равон Дави умумиҷаҳонии машъалӣ -2013 дар масофаи 3000 километр тавассути хатсайри Душанбе-Андиҷон-Бишкек-Алмаато-Урумчӣ доир мегардад.

Аз Кумитаи ҷавонон, варзиш ва сайёҳии Тоҷикистон ба «Озодагон» иттилоъ доданд, ки дави мазкур рӯзи 5-уми сентябр, соати 8.00 аз шаҳри Душанбе оғоз гардида, 24-уми сентябр дар Урумчии Хитой ҷамъбаст мегардад. Манбаъ гуфт, барои ширкат дар ин мусобиқа дар назар аст 25 нафар варзишгар аз хориҷи кишвар ба Душанбе биоянд: «Соли гузашта тақрибан 15 нафар варзишгарони мо дар ин гуна дав иштирок намуда буданд. Дар дави имсола ҳоло маълум нест, ки кадоме аз варзишгарони Тоҷикистон ширкат меварзанд.”

Манбаъ инчунин афзуд, ки эҳтимол варзишгарони тоҷик то охири масир давида натавонанд.

Кумитаи ҷавонон ва варзиш мегӯяд, маросими кушодашавии ин дав дар ҳудуди Тоҷикистон аз майдони дӯстии Душанбе шаҳр оғоз гардида, ҳаракати иштирокчиён ба самти ноҳияи Варзоб, ҷамоати Такоб ва ағбаи Анзоб, ноҳияи Айнӣ (5 сентябр), Шаҳристон, Истаравшан (6 сентябр), Хуҷанд, Спитамен, гузаргоҳи сарҳадӣ миёни Тоҷикистону Қирғизистон (7 сентябр) сурат мегирад.

Бино ба иттилои манбаъ, мақсад аз ташкили чунин намуди варзиш рушди ҳамкориҳои дӯстона миёни кишварҳо ва саломатии шаҳрвандон мебошад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!