Русский  >>  فارسی  >>  Якшанбе 4 декабр 2016, 13:11

Шафқат Муҳиддинов раисикунандаи парвандаи Зайд таъин шуд

2 сентябр 2013, 17:02

Шафқат Муҳиддинов, додраси Додгоҳи Олии Тоҷикистон раисикунандаи мурофиаи Зайд Саидов, соҳибкори боздоштшудаи тоҷик таъин шудааст.

Дар ин бора як манбаи хабаргузории “Озодагон” иттилоъ дода, афзуд, ки мурофиаи додгоҳӣ пушти дарҳои баста сурат хоҳад гирифт.

Ин дар ҳолест, ки вакилони дифоъи Зайд Саидов аз муҳри махфӣ гирифтани парвандаи зерҳимояашон изҳори нигаронӣ мекунанд. Исҳоқ Табаров, яке аз вакилони дифоъи Зайд Саидов дар сӯҳбат ба “Озодагон” гуфт, ки аслан аз руйи қонунгузорӣ баррасии парвандаи З. Саидов набояд паси дарҳои пӯшида сурат бигирад, чун ин парванда ҳеч сирри давлатиро дар бар намегирад: “Ба парвандаи мазкур бидуни огоҳии вакилон муҳри махфӣ задаанд. Ба мо гуфтанд, ки ба далели ишора гардидани ному насаби чанд мансабдори воломақом парванда муҳри махфӣ гирифтааст. Мо ин масъаларо ҳатман бознигарӣ хоҳем кард”.

Исҳоқ Табаров дар идома гуфт, ки дар парвандаи мазкур аз вазирону раисони собиқи ниҳодҳои давлатӣ, аз ҷумла –раҳбари вақти Саридораи геологияи тоҷик, Кумитаи сармоягузорӣ, Вазорати адлия ва дигар мақомоте, ки зери иҷозатномаҳо барои фаъолияти мухталифи Зайд Саидов имзо гузоштаанд, ёдоварӣ шуда, онҳо ба мурофиаи додгоҳӣ даъват хоҳанд шуд.

Исҳоқ Табаров мегӯяд, ки ҳоло ба унвони Додгоҳи Олӣ барои дидорбинӣ бо зерҳимояашон ва омӯзиши ҳуҷҷатҳо дархости расмӣ фиристодаанд.

Зайд Саидов, соҳибкори шинохта ва раҳбари гуруҳи ташаббускори ҳизби “Тоҷикистони нав”, як моҳ баъд аз эълони азмаш барои таъсиси ҳизби сиёсӣ, субҳи 19-уми май боздошт шуда, айни ҳол дар боздоштгоҳи муваққатии Кумитаи амнияти миллӣ нигоҳдорӣ мешавад. Ӯ дар порагирӣ, қаллобӣ, тамаъҷӯӣ, таҷовуз ба номус, бисёрзанӣ, алоқаи ҷинсӣ бо ноболиғ ва водор намудан ба исқоти ҳамл муттаҳам мешавад. Коршиносони тоҷик иттиҳомот алайҳи Зайд Саидовро супоришӣ унвон карда, ба азмаш барои ворид шудан ба майдони сиёсат марбут медонанд, аммо масъулини Оҷонсии зидди фасод қатъиян ин иддаоро рад мекунанд.


Шарҳи худро бинависед:

Ном:*
E-Mail:
Матни шарҳ:
Посух додан
  • tojik

  • 3 сентябр 2013 00:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
chi xel sohibkor ast in zaid?korgari hukumato vazir bud ku.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!