Русский  >>  فارسی  >>  Шанбе 3 декабр 2016, 18:40

Кабирӣ хост, баҳонаи камбуди маблағ дар интихобот набошад

3 сентябр 2013, 15:38

Муҳиддин Кабирӣ, раҳбари Ҳизби наҳзати исломии Тоҷикистон дар пасманзари ишораи Шермуҳаммади Шоҳиён, раиси КМИР ба камбудии маблағ, изҳор дошт, ки танқисӣ аз маблағ бояд дар интихобот, чун баҳона пеш гузошта нашавад.

Кабирӣ, имрӯз, 3-юми сентябр дар мулоқоти раиси КМИР бо аҳзоби Тоҷикистон изҳор дошт, ки чандин бор пешниҳод кардем, то варақаҳои интихоботӣ бо қалам пур карда нашаванд: “Аммо ба мо мегӯянд, барои таъмини ҳавзаҳои интихоботӣ бо ручка маблағ надорем. Чунин далелҳо мантиқӣ ва асоснок нест. Дар Тоҷикистон ҳамагӣ ҳудуди 4 ҳазор ҳавзаи интихоботӣ аст ва барои таъмини онҳо бо ручка ҳамагӣ ҳазор сомонӣ кифоя аст.”

Ин дар ҳолест, ки Шоҳиён аз камбуди маблағ шикоят карда, изҳор дошт, ки протоколҳои ҳавзаҳои интихоботиро низ наметавонанд ба ҳамаи нозирон дастрас кунанд, чун тавони нусхабардории ҳамаи онҳоро надоранд.

Дар мавриди таъмини ҳавзаҳо бо маводи конселярӣ Шоҳиён афзуд, ки имсол омодагии хуб дидаанд ва 25 намуди маводи конселяриро ба ҳамаи ҳавзаҳо дастрас хоҳанд кард.

Баробари ин Муҳиддин Кабирӣ, дар ҳузури раҳбари КМИР, аҳзоби сиёсӣ ва дигар субъектҳои ҳуқуқи пешбарии номзад ба курсии президентӣ аз фарҳанг ва ахлоқи сиёсӣ дар раванди интихобот интиқод кард. Раҳбари ҲНИТ ба раҳбари КМИР пешниҳоди қабули як Кодекси ахлоқро ироа дошта, афзуд, “ахлоқ ин меъёри ҳуқуқӣ нест ва интихобот як масъалаи ахлоқӣ ҳаст. Дар вақти тезутунд шудани интихобот гоҳҳо мешавад, ки иштирокчиёни раванд аз доираи ахлоқ ва фарҳанги сиёсӣ берун мераванд ва инро тариқи қонун танзим карда намешавад. Мутаассифона, дар кишвари мо чунин Кодекс вуҷуд надорад. Шояд барои ин интихобот мо дер кардем, вале интихоботи дигар дар пеш ҳаст, ки КМИР метавонад ин ташаббусро бигирад”.

Ба гуфтаи Муҳиддин Кабирӣ дар фазои феълии кишвар бо муборизаҳое, ки шуруъ шудаанду бештар аз сулҳу суббот мегуянд, ҲНИТ худро каме нороҳат эҳсос мекунад. Раҳбари ҲНИТ ба Шермуҳаммади Шоҳиён пешниҳод дошт, то КМИР ба шабакаҳои телевизион тавсияҳое бидиҳад, ки мақсади пахши барнома сиёҳ кардани як ҷониб набошад. Ба гуфтаи Муҳиддин Кабирӣ дар баъзе аз кишварҳо КМИР қабл аз расман шуруъ шудани интихобот мониторингро дар расонаҳои хабарӣ, ба хусус шабакаҳои телевизион мегузаронад, то авлавияту бартарият ва як ҳизб ё номзад дода нашавад.

Дар ҷавоб ба ин суханони раҳбари ҲНИТ, раҳбари КМИР, Шермуҳаммади Шоҳиён гуфт, ки масъалаи барномаҳое, ки нисбат ба аъзои ҲНИТ вақтҳои охир пахш мешаванд, дар доираи салоҳияти худ мавриди омузиши комиссияи интихоботӣ қарор хоҳад дод.


Шарҳи худро бинависед:

Ном:*
E-Mail:
Матни шарҳ:
Посух додан
  • мухаммад

  • 3 сентябр 2013 20:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Устоди азиз Кабири КМИР барои фармони аз боло шуда холо то кадом дарача ба пастихо меравад инро худо медонад. Мухтарам Шохиен шуморо фахмидан мукин лекин то ин дарача не! хамине ки шумо бахонаи маблаг барои ручка харидан кардед,ин чи маъно дорад? Фардо ахбохои тамоми дуне чи менависанд Точикистон барои интихоботаш маблаг барои ручка харидан надорад. Шумо фикр мекунед чи мегуед? шумо хаки ин давлату миллатро то ин дарача паст задана надоред бародар о камтар номус бояд дошт.
Посух додан
  • muhojir

  • 4 сентябр 2013 04:31
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
kabiri vohima nakun nameguzari joi tubarin odam bozorai
Посух додан
  • Ворис

  • 4 сентябр 2013 07:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар бо ручка пур кунанд, онро дигар карда намешавад,бо калам ки пур шуда бошад, аъзои китъахои интихоботи, ки хама аз хизби хукуматихо хастанд, бе ягон душвори хама варакахои овоздихи ва карори онро дигар мекунанд ва эълон мекунанд, ки номзадашон 95 фоиз овозро сохиб шуд ё аз они худ кард... Аммо ин бор мардум медонанд, ки ки чи кадар овоз мегирад, зеро хама телефонхои мобил доранд ва шояд бештари таблиг бо ин телефонхо гузарад ва хама аз овози додаи худ ба якдигар хабар диханд.
Посух додан
  • Muhojir ba4ai tj

  • 4 сентябр 2013 14:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Иншоолло устоди азиз голиб хохед шуд мо дуогуи шмоем оянда аз шмо вобастаас устоди азиз!
Посух додан
  • muhojir

  • 4 сентябр 2013 23:50
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
kabiri ba bahonai intikhobot jamush kun az davlathoi islomi baadi sarat yagon khona monad ba farzandota ustodi nuri mond khona na madrasa na masjid shumo ham kushish kuned in fursat az dast nadeh

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!