Русский  >>  فارسی  >>  Якшанбе 4 декабр 2016, 19:15

Зани узбакро, ки таҳдиди тарконидани Додситонии Дубайро кард, 15 соли ҳабс таҳдид мекунад

3 сентябр 2013, 18:14

Прокуратураи Дубай метавонад шаҳрванди Узбакистонро барои амалҳои ғайриқонунӣ ва таҳдид ба се соли ҳабс, ки депортро дар пай дорад, маҳкум намояд. Аммо агар додгоҳ муайян кунад, ки ин бону ба амнияти миллӣ таҳдид кардааст, ӯро 15 соли маҳрумият аз озодӣ таҳдид мекунад.

Зулфия Ҳамроеваи 32-сола, шаҳрванди Узбакистон рӯзи 2-юми сентябр боздошт шуд. То кунун нисбат ба вай ҳеч айбе эълон нашудааст. Муайян гардидааст, ки дар камарбанди ӯ ҳеч гуна маводи мунфаҷира набудааст. Писари шашсолаи ӯ алъон зери парастории кормандони пулиси Дубай мебошад.

Ин зан гуфтааст, падари фарзандаш шаҳрванди Аморат мебошад. Онҳо танҳо никоҳи исломӣ карда, ақди никоҳи худро расман сабт накардаанд. Аммо шавҳари Зулфия никоҳро бекор намуда, гуфтааст, падари кӯдак нест. Санҷиши ДНК ҳам нишон дода, ки ин мард падари писар нест. Зулфия гуфтааст, санҷиши ДНК ғалат аст ва мехоҳад ба писараш, ки ҳеч санади расмие надорад, шиносномаи Аморат дода шавад. Худи ин бону ҳам давоми 10 соли ахир ғайриқонунӣ дар Аморати муттаҳидаи Араб ба сар бурдаст. Ҳамроеваро алъон чанд ҷурм, аз ҷумла “таҳдиди тарконидани муассисаи давлатӣ” таҳдид мекунад.

Ёдовар мешавем, қаблан расонаҳо хабар доданд, ки мақомоти пулиси шаҳри Дубай баъд аз музокироти 13 соата тавонистанд, “маргталаб”-и узбакро барои натарконидани додситонии ин шаҳр розӣ кунанд. Дафтари матбуоти ҳукумати Дубайи Имороти Муттащидаи Араб гуфта буд, ки шаҳрванди Узбакистон ба бинои додситонӣ ворид шуда, таҳдид кардааст, ки бо маводи таркандаи дар баданаш буда, биноро метарконад.




Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!