Русский  >>  فارسی  >>  Шанбе 3 декабр 2016, 00:48

ВКД: Фирории 23-юм боздошт ва 24-умаш кушта шуд, як нафари дигар дар озодист

26 июл 2011, 04:09

Боз ду нафар аз фирориёни зиндони КДАМ дар водии Рашт ошкор гардиданд.


Тавре ба «Озодагон» аз дафтари матбуотии ВКД иттилоъ доданд, дар идомаи амалиёти махсуси дастгиркунии маҳбусоне, ки шаби 22 ба 23–августи соли 2010-ум аз маҳкамаи тафтишотии Кумитаи давлатии амнияти миллии ҷумҳурии Тоҷикистон фирор намуда буданд, рӯзи 25-уми июли соли равон ҳангоми гузаронидани амалиёти фаврӣ-ҷустуҷӯи аз ҷониби кормандони ВКД ва КДАМ дар якҷоягӣ бо дигар воҳидҳои махсуси сохторҳои қудратии кишвар дар деҳаи Чилдараи ҷамоати деҳоти Ҳафтчароғи ноҳияи Тавилдара дар минтақаи мушкилгузари кӯҳӣ мавқеи ҷойгиршавии боз ду тан аз фирориён ошкор карда шуд. Аснои дастгир намудани ҷинояткорон аз ҷониби онҳо муқобилияти сахти мусаллаҳона нишон дода шуд, ки дар натиҷа Зиёев Ҷонибек Абдусамадович, таввалудаш 8 феврали соли 1979, зода ва истиқоматкунандаи деҳаи Туғули ноҳияи Панҷ ва Ҳасанов Баҳриддин Қаюмович, таввалудаш 15 июли соли 1968, зода ва истиқоматкунандаи деҳаи Чашмасори ноҳияи Тавилдара дастгир карда шуданд, ки охирин дар рафти муқовимати мусаллаҳона захмӣ гардида фавтид.

Манбаъ афзуд, аз ҷои ҳодиса ду адад автомати тамғаи Калашников, як адад таппончаи Макаров ва дигар лавозимоти ҷангӣ дарёфт ва мусодира карда шуд.Мутаассифона, дар ин задухӯрди мусаллаҳона як нафар корманди воҳиди таъиноти махсуси ШКД-и ноҳияи Тавилдара ҷароҳати вазнини ҷисмонӣ бардошта, ба ҳалокат расид. Дар рафти амалиёти мазкур ду нафар аз кормандони дигари воҳиди таъиноти махсуси раёсати корҳои дохилии ноҳия ва минтақаи Рашт захмӣ гаштанд.Ҳамин тавр аз 25 нафар маҳбусони фирорӣ то имрӯз 24 нафарашон дастгир ва безарар карда шуда, амалиёт бобати дастгир намудани охирин маҳбуси фирорӣ идома дорад.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!