Русский  >>  فارسی  >>  Якшанбе 4 декабр 2016, 11:09

Аз мӯйсафеди ҷарроҳишудаи тоҷик дар Қаршӣ дараке нест

4 сентябр 2013, 09:22

Носсиҷуб Эшмуродова, ҳамсари Мардон Буриеви 74-сола, ки аз ҷониби марзбонони узбак дар ноҳияи Панҷакент рабуда ва ахиран дар шаҳри Қаршии Узбакистон ҷарроҳӣ шудааст, изҳор медорад, ки чанд рӯз боз аз шавҳараш дараке нест.

Эшмуродова дар суҳбат бо хабаргузории “Озодагон” гуфт, “чанд рӯз пеш як зани ношинос аз Узбакистон ба ман занг зада, хабари ҷарроҳӣ шудани шавҳарамро расонда, гуфт ҷарроҳии мӯйсафедам 5 соат бо ҳузури 5 духтур гузаштааст. Аз кадом беморӣ ӯро ҷарроҳӣ намудаанд, ба мо хабаре надоданд.”

Ба гуфтаи Эшмуродова ин зане, ки ба ӯ аз ҳоли муйсафедаш хабар додаст, изҳор доштааст, ки масъалаи раҳоии мӯйсафед баъди 9-уми сентябр маълум хоҳад шуд.

Эшмуродова мегӯяд, феълан ба он рақамҳои зани узбак занг мезанад, то ҳоли мӯйсафедашро фаҳмад, аммо аз он тараф ягон нафар ҷавоб намедиҳад.

Дар мавриди наздикони дигараш, ки аз ҷониби марзбонони узбак рабуда шуда буданд, Эшмуродова афзуд, ки 3-юми сентябр бо набераам Мануҷеҳр Буриев ва Сулаймон Буриев бо телфон ҳамсуҳбат шудам: “Онҳо гуфтанд, феълан дар Тошканд қарор доранд, вале кай ба Тоҷикистон интиқол меёбанд, ҳоло маълум нест. Набераам, ки хонандаи синфи 5 аст, гуфт, ӯро назадаанд, вале ҳамроҳҳои дигарашро задаанд.”

Ёдрас мекунем, ки 10 уми июн соати 18:00 дар ҷамоати Фароби Панҷакент аскарони узбак 5 тан аз ҷумла Мануҷеҳр Буриеври ноболиғ, Мардон Буриев ва писаронаш Сулаймон Буриев, Исрофил Билолов ва Шоҳрух Қосимовро аз сари замини кишт боздошт карда ба Узбакистон бурданд.

Эшмуродова афзуд, он замине, ки мо дар он алафу гандум мекоридем, акнун маълум шуд, ки қаламрави Узбакистон будааст. Эшмуродова таъкид намуд, ки то ҳол мақомоти тоҷик моро фиреб намуда, аз мо муҳлати 9 сол андоз ситондаанд: “Ман пас аз раҳоии фарзандон ва мӯйсафедам ҳуҷҷатҳои замине, ки ба номи ман карда буданд ва муддати 9 сол андоз супорида будам ба расонаҳо мерасонам.”


Шарҳи худро бинависед:

Ном:*
E-Mail:
Матни шарҳ:
Посух додан
  • Даврон

  • 4 сентябр 2013 10:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар ҳақиқат ин ҳолати амниятии шаҳрвандон даҳшат аст. Наход, ки муддати дароз аст, ки сокинон бедарак ва дар кишвари ҳамсоя ба ҳайси гаравгон ва дар ҳолати тарсу беҳуқуқу пасти, қарор доранд ва наздиконашонро оромӣ нест, ин ба ном ҳукуматдоронро парвое нест. Факат дасиса, таъриф, маҳалгароӣ ва сарватғундориву маишат. ВКХ ва сафорати Тоҷикистон дар Тошканд ба чи кор машғул ё танҳо истироҳату аз ҳисоби халқ маошхури дарди сар, чаро барои бесалоҳияти ва бесаводӣ сафорати Тошкандбударо маҳкам ва ба ҷавобгарӣ намекашед. Шумо чанд соли дигар давлатдориро меомузед, аз руи бесаводии шумо ҳазорон тоҷикон ва бошандагони кишвар ранҷ бурда истодаанд. Руссия ва дгар кишварҳоро бубинед хатто як сайёҳи оддиаш дар хориҷа зиён бубинад ҳамаи сохторҳои давлатиаш ба тамоми дунё доду фарёд мезананд ва аз ҳуқуқи шаҳрвандонашон дифоъ менамоянд. Тоҷики бечора дар ватан ва қаламрави худаш мисли муттаҳам аст.
Посух додан
  • али

  • 4 сентябр 2013 16:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бетарафи накнен ки окибати ин кор хушхоли нест аскарон ва камандирон, ва кормандони хифзи хукук ки заминашро посбони карда наметавонан садкаи номи ТОЧИК шавед.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!