Русский  >>  فارسی  >>  Ҷумъа 9 декабр 2016, 20:26

Нигаронии Созмони Милал аз баста шудани “Ампаро”

4 сентябр 2013, 13:43

Созмони Милали Муттаҳид аз баста шудани Анҷумани ҳуқуқшиносони ҷавон -- “Ампаро” дар Тоҷикистон ибрози нигаронӣ кард.

Бан Ки Мун, дабири кулли СММ, ахиран дар Маҷмаи Умумии Созмони Милал дар мавриди таҳти фишор қарор гирифтани ашхос ва созмонҳои ҳамкор бо ин ниҳоди байналмилалӣ дар робита ба ҳуқуқи башар гузориш додааст.

Дабири кулли ССМ дар ин гузориши солонаи худ, ки дар он маълумот аз 14-уми июли 2012 то 15-уми июли соли 2013 гирдоварӣ шудааст, ба баста шудани Анҷумани ҳуқуқшиносони ҷавон -- «Ампаро», ки ба ҳифзи ҳуқуқи даъватшавандагон ва хизматчиёни ҳарбӣ дар Тоҷикистон машғул аст, таваҷҷуҳ зоҳир кардааст.

Ӯ гуфтааст, “Ампаро” дар мубориза алайҳи шиканҷа ва бархӯрди нодуруст бо одамон бо бахшҳои СММ оид ба ҳуқуқи башар фаъолона ҳамкорӣ дошт.

Ёдрас менамоем, 29-уми июни соли гузашта Раёсати адлияи вилояти Суғд ҷиҳати барҳам додани Анҷумани ҳуқуқшиносони ҷавон -- «Ампаро», ки ба ҳифзи ҳуқуқи даъватшавандагон ва хизматчиёни ҳарбӣ машғул аст, бо аризаи даъвогӣ ба Додгоҳи шаҳри Хуҷанд муроҷиат карда буд. Эътирози раёсати адлия ба «Ампаро» аз риоя накардани Қонун «Дар бораи иттиҳодияҳои ҷамъиятӣ» аз ҷониби сарвари созмон, бидуни қарори дахлдор тағйир додани суроғаи ҳуқуқӣ, аз қайди дубора нагузаштани созмон дар раёсати адлия, кушодани сомонаи интернетии созмон бар хилофи Оиннома ва бидуни иҷозатнома ташкил кардани дарсҳо оид ба мавзӯи «Ҳуқуқ ва ӯҳдадориҳои даъватшавандагон ба хизмати ҳарбӣ» дар синфҳои 9-11-и макотиби таҳсилоти умумии ноҳияҳои Спитамен ва Бобоҷон Ғафуров иборат аст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!