Русский  >>  فارسی  >>  Чоршанбе 7 декабр 2016, 23:14

Оғози дав аз пеши ҳайкали Сомонӣ то Урумчӣ

5 сентябр 2013, 14:04

Субҳи имрӯз, 5-уми сентябр, дави умумиҷаҳонии машъалӣ-2013 дар масофаи 3000 километр аз майдони “Дӯстӣ”-и назди пайкараи шоҳ Исмоили Сомонии Душанбе оғоз гардид.

Тавре Наргис Набиева, сардори раёсати тарбияи ҷисмонии Кумитаи ҷавонон ва варзиш ва сайёҳии кишвар ба “Озодагон” иттилоъ дод, дави мазкур тавассути хатсайри Душанбе-Андиҷон-Бишкек-Алмаато-Урумчӣ сурат гирифта, рӯзи 24-уми сентябр дар Урумчии Чин ҷамъбаст мегардад. Ӯ гуфт: “Дар ин мусобиқа 20 нафар варзишгар аз кишварҳои ба мо дӯсту ҳамсоя-Қазоқистон, Қирғизистон ва Хитой инчунин 10 нафар варзишгарони Мактаби варзишии кӯдакону наврасони захираҳои олимпии шаҳри Душанбе ширкат доштанд.”

Набиева афзуд, ки “ин дав озод аст ҳар касе, ки мехоҳад то як андозаи муайян ҳамроҳ бо варзишгарон медавад. Ҳамасола варзишгарони мо дар ин дав ширкат мекунанд. Аммо на ҳамаи онҳо то ба охир медаванд. Имсол низ аз Тоҷикистон танҳо Ҳасан Ғафуров, ҷоизадори ниммарафони байналмилалии Душанбе- 2013 то ба охир медавад.”

Манбаъ афзуд иштирокдорони дави мазкур аз тариқи Варзоб, ағбаи Анзоб, ноҳияи Айнӣ, Шаҳристон, Истаравшан, Хуҷанд, Спитамен аз Тоҷикистон берун шуда, тариқи гузаргоҳи сарҳадӣ миёни Тоҷикистону Қирғизистон давро идома медиҳанд.
Набиева илова намуд, ки варзиш марз надорад ва ба ҳамин хотир варзишгарон марзҳоро убур мекунанд, ки дӯстиву рафоқат миёни кишварҳо пойдор бимонад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!