Русский  >>  فارسی  >>  Душанбе 5 декабр 2016, 15:31

Президенти Бошқирдистон аз гӯшаи Тоҷикистон тавсиф кард (ВИДЕО)

5 сентябр 2013, 16:25

Тоҷикистонро дар ҷашнвораи байналмилалии фарҳанги миллӣ, ки зери унвони “Ахтари дӯстӣ” дар Нефтекамск баргузор шуд, се нафар намояндагӣ карданд.

Беҳрӯз Зеваров, продюсери шинохтаи тоҷик ба “Озодагон” гуфт, дар фестивали мазкур, ки бахшида ба 50-солагии шаҳри Нефтекамски Бошқирдистони Русия созмон ёфт, ӯ, Ховар Муродов, овозхони ҷавон ва раққоса Албина Алмакаева ширкат намуданд.

“Ховар Муродов дар ин ҷашнвора ду тарона - «Зулайхо» (русӣ) ва «Парӣ» (тоҷикӣ)-ро иҷро кард. Ману Албина дар намоишгоҳ гӯшаи Тоҷикистонро барои сокинон ва меҳмонони Нефтекамск муаррифӣ кардем”,-афзуд Беҳрӯз Зеваров.

Ба қавли ҷаноби Зеваров, тарҳи гӯшаи Тоҷистон аз хонаҳои тоҷикӣ, суфра ва ороишоти миллӣ мураккаб шуда буд: “Президенти Бошқирдистон вақте аз гӯшаи Тоҷикистон дидан кард, хурсанд шуд. Рустам Ҳамитов гуфт, аз фарҳанги бой ва ғании тоҷикон хеле муассир шудааст ва афзуд, ки ин гӯша барояш хуш омадааст”.

Ҳамсуҳбати мо мегӯяд, туҳфаҳое, ки аз Тоҷикистон бурда буданд барои сокинон ва меҳмонҳои Нефтекамск хеле писанд омадааст. “Вақте фестивал тамом шуд, ба мо пешниҳод карданд, ки консерти Ховар Муродовро дар шаҳрҳои Қазон, Уфа ва Маскав созмон бидиҳем. Ҳоло тасмим дорем, ки то Наврӯз дар Русия барномаҳои ҳунарии Ховар баргузор шавад”,-илова кард ӯ.

Ховар Муродов ба тозагӣ вориди шоу-бизнес шуда ва ахиран нахустин албоми таронаҳояш бо номи “Ман хиёнаткор нестам”-ро вориди бозор кард.




Шарҳи худро бинависед:

Ном:*
E-Mail:
Матни шарҳ:
Посух додан
  • Rambo

  • 6 сентябр 2013 04:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
In ideyai klip dar asri bist monda bud ku. Az daruni changu khok barovarda zinda karded?
Посух додан
  • в

  • 6 сентябр 2013 06:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин хам сурудхони шуд? Рав бо ягон кори дигар машгул шав.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!