Русский  >>  فارسی  >>  Якшанбе 4 декабр 2016, 23:28

Дастаи Рустами Эмомалӣ соҳиби Ҷоми “Истиқлол” ва 40 000 сомонӣ шуд

6 сентябр 2013, 08:29

Ибодуллоҳи ТОҲИР

Дастаи кормандони Федератсияи футболи Тоҷикистон (ФФТ) дар бозии финалии Ҷоми бошгоҳи “Истиқлол” тими кормандони ширкати “Вавилон”-ро бо ҳисоби 4:1 шикаст дода, соҳиби Ҷом шуд.

Ин бозии футболи хурд, шоми 5-уми сентябр, бо ҳузури теъдоди зиёди мухлисону ҳаводорони футбол, дар майдончаи варзишии болопӯшидаи Варзишгоҳи марказии пойтахт баргузор гардид.

Дар дақиқаи 35-уми дидор Комрон Шодиев, ҷавонтарин бозигари тими кормандони ФФТ тӯби нахустинро ба дарвозаи ҳарифонаш ворид намуда, ҳисобро кушод. Пас аз як дақиқа голи дуюмро Олег Ширинбеков, сармураббии дастаи “Истиқлол” ба ҳадаф расонид. Голи сеюмро низ Комрон Шодиев зада, дубл шуд ва голи чоруми дастаи ғолибро Рустами Эмомалӣ, президенти ФФТ ба ҳадаф расонид, ки ин гол дар ҷараёни бозиҳои Ҷоми бошгоҳи “Истиқлол” голи 26-уми ӯ ба шумор меравад. Голи ягонаи дастаи кормандони ширкати “Вавилон”-ро бошад дар дақиқаҳои охири қувваозмоӣ Мирзошариф Камолов ба ҳадаф расонид.

Пас аз анҷоми қувваозмоӣ раҳбарият ва футболбозони бошгоҳи “Истиқлол” ғолибони мусобиқотро бо медалҳои тило қадр қарда, ба онҳо Ҷом ва 40-ҳазор сомонӣ тақдим карданд. Ба бозигарони дастаи ширкати “Вавилон”, ки мақоми дуввумро касб карданд нишонҳои нуқрагин ва 20-ҳазор сомонӣ тақдим карда шуд.

Ҳамчунин аз дастаи кормандони ФФТ, Анвар Мирзоев ҳамчун дарвозабони беҳтарини сабқат, Муҳсин Муҳаммадиев ҳамчун бозигари беҳтарин ва Рустами Эмомалӣ, ки дар ҷараёни мусобиқот аз ҳама бештар-26 гол задааст ҳамчун нишонзани беҳтарин эътироф шуда, бо туҳфаҳои хотиравӣ ва мукофотҳои пуллӣ сарфароз гардиданд. Ғайр аз ин ба бозигари дастаи кормандони “Вавилон” Нурҷаҳон Исмоилов барои голи беҳтарин, ба бозигар ва раиси “Дастгоҳи иҷроияи президенти Тоҷикистон”-Бахтиёр Худоёров, ҳамчун бозигари аз ҳама калонсол ва ба бозигари ширкати чинии ZTE, Синг Ҷунг Хунг, ки дар Тоҷикистон фаъолият дорад барои ширкаташ дар мусобиқот бо тӯҳфаҳо ва мукофотҳои пулӣ қадр карда шуданд.

Рустам Ҳакимов, сухангӯи дастаи “Истиқлол”, дар суҳбат бо “Озодагон” гуфт, ин яке аз беҳтарин мусобиқаҳои ҷумҳуриявӣ ба шумор меравад, ки дар сатҳи баланд роҳандозӣ карда шудааст. Ӯ гуфт, “ташкилкунандаи асосии мусобиқаи мазкур Шоҳрух Саидов, президенти бошгоҳи “Истиқлол” аст. Дар ин мусобиқа, ки аз 17-уми август шурӯъ шуда буд, 32 даста барои Ҷоми бошгоҳи “Истиқлол” рақобат карданд ва дар умум 127 бозӣ баргузор шудааст.”

Ба қавли Рустам Ҳакимов Ҷоми “Истиқлол” ва нишонҳои тилову нуқрагин, ки ба бозигарони ҷойҳои якуму дуввум тақдим карда шуд, дар шаҳри Милани Италия омода гардидаанд.

Дастаи кормандони Федератсияи футболи Тоҷикистон дар бозиҳои Ҷоми бошгоҳи “Истиқлол”, ки ҳамагӣ 6 бозӣ кардааст бидуни бохт соҳиби Ҷом шуд. Дар бозиҳои пешакӣ тими кормандони “Агроинвестбонк”-ро бо ҳисоби 8:4 ва дастаи кормандони Суди ноҳияи Синои пойтахтро бо ҳисоби 10:1 мағлуб карда буд. Дар бозии 1/8 ниҳоӣ дастаи кормандони “Амонатбонк” бо ҳисоби 7:3, дар даври 1/4 -ниҳоӣ дастаи кормандони “Ориёнбонк”-ро бо ҳисоби 3:2 ва дар бозии 1/2-ниҳоӣ дастаи кормандони “Бонки милӣ”-ро бо ҳисоби 3:0 шикаст дод.

ФИНАЛ
5-уми сентябр (панҷшанбе)
ФФТ - “Вавилон”- 4:1



Шарҳи худро бинависед:

Ном:*
E-Mail:
Матни шарҳ:
Посух додан
  • Шер

  • 6 сентябр 2013 11:27
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин икдоми хуб вале хандаовар 40 хазор сомони Истиклол ба Рустам & Со. Яъне пули худам барои худам. Лухтакбози ё театри мазхака! Аккалан аз Узбекистон ибрат гирен сарпарасати футболаш Гулнора аст, яъне зан ва чикадар ба рушди футбол кумак мекунад: стадионхои болопущи бохашамат ва дастгири ба инфрасохтори футбол. РУСТАМ БОЯД ИБРАТ ГИРАД АЗ ИН ЗАН ОХИР У МАРД АСТ. Пулхоро аз Швецария овардан даркор ва ФУТБОЛРО ЗИНДА КАРДАН ДАРКОР ТО ФАРДО ДЕР НАШАВАД ВА ОН ПУЛХОВУ ДАВЛАТУ САВЛАТ БА БОДИ ФАНО НАРАВАД. РS Рости хамин бозирам ба назарам честни наменамуд ба гуфти русхо СТРАННА ФФТ чомро гирифт(охи Рустамчон ин камандаба бози мукунанд бояд бурад). Бо умеди тавфик ва РУШДИ ФУТБОЛ Шер!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба Шер,ту шер инкадар одами беакл буди,1-Рустами э кучою Гулнора каримова кучо ту медони ки Гулнора ба чи коро машгуласт?ва медони ки маоши камандаи Гулнора чи кадараст ва сармурабияш ки хасту чи кадар маош мегирад??ёд дори ки вахте Рустами Э сармурабии тими миллиро аз хорича дават кард чи гапу таьнахояш карданд ки мардум дар мардикорию Рустам маоши сармурабии хоричиро 5000$ медихад холо он ки бозингарони камандаи Гулнора аз 6 000 то 10 000 долар мегиранд,чи халки узбак мухочир камбагал нест??
2-дар хусуси сохиби чом шудани дастаи ФФТ ,охир ту бо кадом акл мегуи ки Рустам бояд мебурд охир бингар дар камандаи Ффт кихоянд хама мурабиёни футболу кордонони футбол уно набаранд ки бояд барад,ту мегуфти камандаи ФФТ бояд бози намекард ин гапи дигар буд,хулас чизеро намеф немедони харфи бехуда назан..
Посух додан
  • Шер

  • 6 сентябр 2013 14:56
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хусрав ман акл дорам лекин ин назари ман буд ва назари туро хондам ман эхтиром мекунам назари туро лекин кабул надорам ва туро беакл намегуям. Хуб. Гулнора ва Рустам хеч фарке надоранд (факат бо чинс) харду фарзанди Президент ва харду иктисоду тичорати кишварашонро идора мекунанд. Максади ман ин ки ба худнамои бас карда имконият хаст онро истифода бурд. Пул доранд лекин калла надоранд. 2юм Чома ФФТ ба хотири Рустам бурид барои имидж. Барои мисол бозихои клуби Истиклолро ки Рустам бози мекард факат мебурид баъди бас кардан бозихо дигаргун шуданд. Хулоса он ИМКОНИЯТИ МОЛИ ки РУСТАМ & Со дорад баро даххо Стадионхо замонави ва музди мехнати арзанда барои футболбозони тими Милли Точикистон мерасад факат кардан даркор ки фардо дер хохад шуд. Бо умеди тавфик Шер!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!