06 сен 2013 14:00Тоҷикистон / Иқтисодӣ

Убайдуллоев ба 6 ҳазору 402 нафар маблағ дод

Маҳмадсаид Убайдуллоев, раиси шаҳри Душанбе, қарор кардааст, то 7-уми сентябр, бахшида ба ҷашни 22 –юмин солгарди Истиқлолияти Тоҷикистон, ба собиқадорон, маъюбон ва кормандони соҳаи роҳу кабудизоркунии пойтахт аз 500 то 750 сомонӣ, кӯмак ироа гардад.

Шавкат Саидов, сухангӯи шаҳрдорӣ ба “Озодагон” иттилоъ дод, ки дар маҷмуъ ба 6402 нафар сокини пойтахт аз ҳисоби маблағҳои озоди буҷети шаҳрӣ 3 млн. 605 ҳазору 950 сомонӣ кӯмак расонда хоҳад шуд: “Аз ҷумла ба 131 нафар маъюбон ва иштирокчиён Ҷанги Бузурги Ватании солхои 1941-1945 ба андозаи 750 сомонӣ, ба 396 нафар оилаи шахсоне, ки ҳангоми ҳимояи сохти конститутсионии Ҷумҳурии Тоҷикистон ҳалок гардидаанд, 5 нафар ҳамсарони ҷанговарони дар Ҷанги Бузурги Ватанӣ ҳалокгардида, 3 нафар муҳосирабудагони шаҳри Ленинград ва 142 нафар раисони Шӯроҳои шаҳраку маҳаллаҳо ба андозаи 700 сомонӣ ва ба 79 нафар шахсони бо ордену медалҳои ИҶШС барои меҳнати фидокорона ё хизмати бенуқсони ҳарбӣ дар акибгоҳ дар солҳои Ҷанги Бузурги Ватанӣ сарфарозгардида, 310 нафар шахсоне, ки зиёда аз шаш моҳ дар акибгоҳ кор кардаанд, 114 нафар маъюбони амалиётҳои ҷангӣ дар қаламрави давлатҳои дигар (Афғонистон), 174 нафар маъюбони рафъи садамаи нерӯгоҳи барқӣ-атомии Чернобил ва 3726 нафар кормандони раёсатҳои истифодабарии роҳҳои ноҳияҳои шаҳр ва сохторҳои кабудизоркунӣ 500 сомонӣ, кӯмакпулии яквақта ҷудо карда шуд.”

Хадамоти матбуоти шаҳрдорӣ меафзояд, ки дар иртибот 6 сентбяри соли 2013 дар дар дафтари шаҳрдорӣ аз ҷониби Маҳмадсаид Убайдуллоев ба фаъолону собиқадорони пойтахт дар ҷаласаи тантанавӣ мукофотпулӣ дода шуд. Маҳмадсаид Убайдуллоев ҳар кадоми онҳоро табрик гуфта, хоҳони он шудааст, ки минбаъд низ нерӯ, имконот, масъулият, таҷриба ва малакаи созандагии онҳо ба нафъи ҷомеаи пойтахт раҳнамун гардад.

Мӯҳр

Хабарҳои монанд:

камбизоат

Мухтарам шахрдори дар чамъомади назди Президент даъват карден, ки ба 727 нафар дар ховарон замин таксим карда медихем, кучо шуд заминомон?????

Ҷавоб диҳед Иқтибос Шикоят

Daler67

Hamin Presidentu Meri shar az hisobi mardum khudashona sakhi meburoran da. Nafaqaro baland bardored, yagon kas ba in guna maqolanavisi mashqul nameshavad. Ozodagon chop kun - in fikri shaxsi ast.

Ҷавоб диҳед Иқтибос Шикоят

tojik

behtarin.salomat boshed rais..agar nakunand meguem nakardand-agar yagon xubi kunand meguem xudnamoi ast.voi bar mo.

Ҷавоб диҳед Иқтибос Шикоят

Сорбони Ошик.РФ

Шахрванди Точикистон,мири Душанбе,М Убайдуллоев.ба 6-хазору 402-нафар маблаг дод?.Аз киссаи худаш ё аз сандуки хонааш?.Солхои бачагиам,дар клуби колхоз мачлиси колхозчиён шуд.Дар руйхати баромад мекардагихо номи як мусафеди 76-77 -солаи дехкони бесавод хам буд.Ногох раиси мачлис як бухгалтери муйлабдори сару либосашу андомаш хам сталиннамо,бобои Мирзошарифро ба минбар хонд.Мусафеди почомааш суфи сафеди гардхурдаву челакаш рах-рахи гуногунрангу саладор ба минбар баромада,сулфида-сулфида сухан огоз кард:"Хамин челаки ман ранги хархеларо дорад.ранги сурхаш ин ранги партия аст,ранги зардаш ин ранги мо колхозчиён мебошад,ранги сафедаш ранги раиси мо мебошад,оафико,рахмат ба партияи Султон,(кассири колхоз),ки пулхои моро сар-сари вакт оварда медихад".Давоми гапи "нотик"ро намояндаи райком бурид.Намояндаи шиму костюмпуши гафсинаву сабзинаи галстукдор, бобои "нотик"ро ислох кард,ки пулхои шуморо Султон не.партияи чоно-чон медихад.Мусафед хам сулфакунону атсазанон суст наомада.давом дод,ки у ва кампираш нафакагиранд,кассир пули фарзандону келинхову наберахои онхоро медихад.Аз ин ру у махз аз Султон-кассир миннатдор аст.Бобо миннатдорона давом дод,ки агар пеши Султони партияви барои карз рави,аз сандуки хонааш пул бароварда медихад.Гову мол мехарем,либосворихо мехарем гуфта, шукрона гуён, аз минбар фаромад Мирзошарифбобо....Баъди чанде,дар хакикат ревизорхои сурх омада колхозро ревизия карданд,камбудихову норасогихои иктисодиро ёфтанд,Султон-кассир касал шуда, рангаш зард шуд.Раис хам фишори хунаш баланд гашта ба беморхона афтод.Баъди чанд рузхои муоличави ба идораи колхоз баргашт.рангу руяш ба гуфти мардум, "пуркидаги".Раис, Султон-кассирро аз кор озод кард,он бухгалтери бо тану манди сталинандомро,табельчии бригадаи пахтакори таъин намуд.Бухгалтери коммунист,махз бобои Мирзошарифро гуё,ки ба баромад тайёр карда будааст.Аз парторгу коммунистхои колхоз хохиш кард,ки дигар ягон сокини дехахои колхозро, челакпуш набинанд..Мирзошарифбоборо мусафедхову кампирхои деха сарзаниш мекарданд,ки чаро Султон-кассирро таъриф кардиву колхозро не.О пули мардумро давлату колхоз медиханд,мегуфтанд ба у.Бобои бечора,ваъда дод,ки ,соли оянда дар мачлиси "годовой",боз баромад мекунад....Вале,бо мурури замон,мусафед бемор гашта,аз дунё чашм пушид..То холо хамон "маърузаи кутох"и бобои челакпуш дар хотирам хаст.

Ҷавоб диҳед Иқтибос Шикоят

Эзоҳ илова кунед