Русский  >>  فارسی  >>  Сешанбе 25 июл 2017, 13:43

Убайдуллоев хонум Барбараро ба Душанбе даъват кардааст

6 сентябр 2013, 17:23

Маҳмадсаид Убайдуллоев, раиси шаҳри Душанбе, имрӯз, 6-уми сентябр як ҳайати меҳмонони бародаршаҳри Душанбе аз Ройтлингени Олмонро таҳти сарварии аъзои Маҷлиси шаҳрии Ройтлинген ҷаноби Юрген Штрауб, бо хоҳиши онҳо ба ҳузур пазируфтааст.

Тибқи иттилои Хадамоти матбуоти шаҳрдорӣ зимни мулоқот Убайдуллоев аз ташрифи меҳмонон изҳори қаноатмандӣ карда, афзуд, ки робитаҳои ҳасанаи бародаршаҳрӣ имрӯз имкон медиҳанд, ки дар радифи табодули таҷрибаи ҳамкориҳои ҷойдошта дар соҳоти фарҳанг ва маорифу тандурустӣ бахши сайёҳӣ низ рушд кунад.

Ба иттилои манбаъ Юрген Штрауб ба Маҳмадсаид Убайдуллоев номаи шодбошии Обербургомистери Ройтлинген, хонум Барбара Бошро ба муносибати 22-юмин солгарди Рӯзи Истиқлолияти давлатии Тоҷикистон расонида, аз бардоштҳои неки худ оид ба пешрафтҳои Тоҷикистон, пеш аз ҳама пойтахти он шаҳри Душанбе ибрози ақида намуданд.

Маҳмадсаид Убайдуллоев дар фарҷом тариқи меҳмонон аз Обербургомистери Ройтлинген хонум Барбара Бош даъват кардааст, ки дар чорабиниҳои марбут ба ҷашни 90- солагии мақоми пойтахт ба Душанбе ташриф орад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Июл 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930
31 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!