Эмомалӣ Раҳмон: “Интихоботро ба майдони моҷароҷӯӣ табдил надиҳед”
Эмомалӣ Раҳмон, раисиҷумҳури Тоҷикистон, дар ҷаласаи бахшида ба 22-юмин солгарди истиқлоли кишвар, ки рӯзи ҳафтуми сентябр дар "Кохи Борбад"-и Душанбе баргузор шуд, дар бораи интихоботи президентии моҳи ноябр низ сӯҳбат кард.
Вай аз ҳамаи онҳое, ки дар ин маъракаи муҳими сиёсӣ нияти иштирок ва номзадии худро гузоштаниянд, даъват намуд, то “фарҳанги волои сиёсиро риоя карда, ин маъракаи муҳимро ба майдони моҷароҷӯӣ ва ҳангоматалабӣ табдил надиҳанд”.
Раисиҷумҳури Тоҷикистон изҳори умеду боварӣ кард, интихоботи раёсати ҷумҳурии навбатӣ “мисли интихоботҳои пешин шаффофу демократӣ баргузор хоҳад шуд”. “Мардуми кишвар озодона ва бо иродаи хеш роҳбари ояндаи худро интихоб мекунанд”,-афзуд Эмомалӣ Раҳмон.
Интихоботи раёсати ҷумҳурии Тоҷикистон рӯзи шашуми ноябри соли ҷорӣ баргузор хоҳад шуд. Аҳзоби сиёсии Тоҷикистон гуфтаанд, то охири моҳи сентябр ҷаласаҳои худро баргузор ва он вақт мушаххас хоҳанд кард, ки дар ин интихобот бо номзад ва ё бидуни номзади худ иштирок хоҳанд кард.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |