Русский  >>  فارسی  >>  Ҷумъа 9 декабр 2016, 08:51

Тасдиқи номзадии Бобоназарова ва талоши ӯ барои озодиҳои динӣ

10 сентябр 2013, 12:19

Ойниҳол Бобоназарова, номзади Иттиҳоди нерӯҳои ислоҳотхоҳи Тоҷикистон (ИНИТ), эълон кард, ки тамоми талошашро барои демократия, ҳуқуқи инсон ва озодиҳои динӣ дар кишвар харҷ мекунад. Номзадии Бобоназарова рӯзи даҳуми сентябр дар ҷаласаи Иттиҳоди нерӯҳои ислоҳотхоҳ тасдиқ ва эълон шуд.

Ойниҳол Бобоназарова дар ин ҷаласаи ИНИТ гуфт, бисёр мехост дигарон ба ҷои ӯ номзад шудаву дар интихобот мубориза баранд. Аммо ба қавли ӯ, “Муҳиддин Кабирӣ гуфт, барои ман мушкил аст. Медонам, мегӯянд, магар мард пайдо нашуд, ки занро пешниҳод мекунед. Вале то ин вақт аз мо интиқод мекарданд, ки чаро занон ғайрат надоранд.”

Хонум Бобоназарова дар идомаи суханронияш ба ҳифзи Иттиҳоди нерӯҳои ислоҳотхоҳи Тоҷикистон ҳам даъват кард. Ӯ гуфт, “агар мо Эътилофро аз даст бидиҳем, дигар ягон вақт нерӯҳо бо ҳам як намешаванд.”

Иттиҳоди нерӯҳои ислоҳотхоҳ, ки тақрибан се моҳ пештар барои интихоботи президентӣ ташкил ёфт, рӯзи даҳуми сентябр расман номзадии Ойниҳол Бобоназароваро эълон кард. Ба ин Иттиҳод Ҳизби наҳзати исломӣ, Ҳизби сотсиал-демократи Тоҷикистон ва бархе аз шахсиятҳои маъруф ва созмонҳои иҷтимоӣ шомиланд.

Ойниҳол Бобоназарова дар ҳоли ҳозир раҳбари созмони иҷтимоии “Перспектива+” буда, дар гузашта раҳбарии Бунёди Сорос дар Тоҷикистонро ба уҳда дошт. Ӯ соли 1971 факултаи ҳуқуқшиносии Донишгоҳи давлатии Тоҷикистонро хатм карда, дар оғози солҳои навадум ба Ҳизби демократ мепайвандад. Аз соли 1996 то 2004 ба ҳайси мушовири намояндагии Созмони Амният ва Ҳамкорӣ дар Аврупо (ОБСЕ) дар Тоҷикистон низ кор кардааст.


Шарҳи худро бинависед:

Ном:*
E-Mail:
Матни шарҳ:
Посух додан
  • hisor

  • 10 сентябр 2013 14:09
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ooo mo javon darkor guftemu.o in modari komunist 70-sola astku.mazok mekuned tojikora?ozodii din?-tars az kase ki nametarsad az xudo.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
hisor,
талхакаф нашав ин модар аз ту барин мардхо хазорон мартаба чуръаташ баланд аст
Посух додан
  • фаромарз

  • 10 сентябр 2013 18:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
аз президенти хозира ношукри накунед!!!зеро мо аз райси нохиямон ношукри кардем як нафари дигаро мондем холмон бад шуду нек не.
Посух додан
  • Хатлон

  • 11 сентябр 2013 09:04
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз намуди зохирааш маълум, ки ин точики тоза нест.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин занак дар умраш намоз нахонда барои озодихои кадом дин мубориза мебурда бошад.Дар тамоми хаёти авлодотон панохи намоз мехонден,дар кадом мазхаб буданатонро намедонистен,хамин кадар мондааст,ки Эмомали Рахмон аз тани хаматон намоз бхона,ношукрхо.Нав фахмидам,ки боз одами спецслужбаи ИМА хам будааст.
Посух додан
  • badakhshon

  • 13 сентябр 2013 12:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бобоназарова tarafdori mekunem in zan az ishkoshimi badakhshon ast zani khub va mehrubon ast pomiriho ham davlatdori kunan to kai tojiko
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
badakhshon,
чи ту худат точик нести чи?

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!