Русский  >>  فارسی  >>  Ҷумъа 9 декабр 2016, 03:04

Раддияи Абдулманнон Додоев ба иддаои Раҳматилло Зоиров

11 сентябр 2013, 10:31

Кумисюни марказии интихобот ва раъйпурсии Тоҷикистон (КМИРТ) дар номае ба иддаои Раҳматилло Зоиров, ки теъдоди муҳоҷирони тоҷик дар Русияро якуним миллион нафар гуфта буд, ҷавоб додааст. Кумисюн дар номаи худ ин рақамро нодуруст шуморида ва инчунин ҳаққи муҳоҷирон барои ҷонибдорӣ аз номзади мавриди назарашонро ғайривоқеӣ донистааст.

Абдулманон Додоев, роҳбари дастгоҳи Кумисюни марказии интихобот ва раъйпурсии Тоҷикистон, гуфтааст, онҳо бо раисони шаҳру ноҳияҳои ҷумҳурӣ беш аз як сол ин масъаларо омӯхта, рӯйхати шаҳрвандонеро, ки дар муҳоҷирати корӣ қарор доранд, тартиб додаанд. “Дар натиҷа, миқдори умумии муҳоҷирони корӣ муайян гардиданд, ки шумораи онҳо тақрибан аз 800 то 900 ҳазор мебошанд”,-афзудааст ӯ.

Додоев дар ин номаи худ ба Зоиров гуфтааст, қонунгузор ҷамъоварии имзоҳо берун аз марзи Тоҷикистонро пешбинӣ накардааст. Ба қавли ӯ, ҳангоми имзоҷамъкунӣ дар хориҷи кишвар эҳтимоли ба тақаллубкорӣ ва қонуншиканӣ роҳ додан зиёд аст: “Илова ба ин имконияти таъсиррасонии нерӯҳои беруна дар хориҷи кишвар зиёд буда, ба изҳори озодонаю ихтиёрии иродаи интихобкунандагон таъсир мерасонад. Агар дар интихоботи парлумонии соли 2010 дар 8 шаҳри калонтарини Русия қитъаҳои интихоботӣ ташкил шуда бошанд, пас дар интихоботи имсолаи президентӣ дар назар аст, дар Русия 22 қитъаи интихоботӣ таъсис дода шаванд.”

Чанде қабл Раҳматилло Зоиров, раҳбари Ҳизби сотсиал-демократи Тоҷикистон, ки аз 28-уми август то 3-юми сентябри соли ҷорӣ дар Русия ва Қирғизистон қарор дошт, дар суҳбат ба “Озодагон” иттилои Шермуҳаммади Шоҳиён, раиси КМИР-ро, ки шумораи муҳоҷирони тоҷикро дар Русия камтар аз 1 миллион гуфта буд, нодуруст хонд. Зоиров барои он ки муҳоҷирон ҳуқуқашонро барои овоздиҳӣ амалӣ кунанд, танҳо дар шаҳри Маскав ташкили беш аз 170-180 ҳавзаи интихоботиро зарур дониста ва афзуд, ки сафорати Тоҷикистон дар Маскав чунин имкониятро надорад.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Гапхои ин дуругёнро бовар накунед
Посух додан
  • ХАЛО

  • 11 сентябр 2013 17:42
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ЧАНОБИ ДОДОЕВ ШУМО АЗ САРШУМОРИ ВОКЕИ МУХОЧИРОН БЕХАБАР БУДАЕД.ИМРУЗ ДАР РОССИЯ ЗИЁДА АЗ ЯКУНИМ МИЛИОН МУХОЧИР ВУЧУД ДОРАД.ИН РАИСОНИ ШАХРУ ВИЛОЯТХО ШУМОРО МАЪЛУМОТИ БАРДУРУГ ПЕШНИХОД НАМУДААНД.БОВАР КУН КИ АЗИН РАКАМИ ГУФТАИ МАНХАМ ЗИЁДТАРАНД.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!