Русский  >>  فارسی  >>  Сешанбе 6 декабр 2016, 20:55

Боздиди кории Эмомалӣ Раҳмон аз ду ноҳияи вилояти Хатлон

26 июл 2011, 10:01

Имрӯз Эмомалӣ Раҳмон, президенти Тоҷикистон дар навоҳии Абдураҳмони Ҷомӣ ва Хуросони вилояти Хатлон дар маросими ба истифода додани чанд иншоот ширкат варзид.


Тибқи иттилои хадамоти матбуотии райисҷумҳур боздиди кории президент аз деҳаи навбунёди Чорбоғи ноҳияи Хуросон, ки баъди обхезии моҳи апрели соли 2009 барои осебдидагони ин офат бунёд гардида буд, оғоз ёфт. Дар ин ҷо бинои як мактаби нави таҳсилоти ҳамагонӣ барои 900 нафар дар ду баст мавриди баҳрабардорӣ карор гирифт.Ин мактаби дуошёна, ки бо харҷи 7 миллион сомонӣ аз фонди захиравии президент бунёд ёфтааст, аз 18 синфхонаи таълимӣ, аз ҷумла синфҳои муҷаҳҳази фаннӣ аз фанҳои биология, кимиё, физика, синфҳои компютерӣ, синфҳои омўзиши ҳунарҳои дўзандагию таомпазӣ ва ғайра иборат мебошад.  

Пас аз мулоқот бо сокинони ноҳияи Хуросон Эмомалӣ Раҳмон ба ноҳияи Абдураҳмони Ҷомӣ ташриф оварда, нахуст бо кори кишоварзони хоҷагии деҳқонии Шафқати ҷамоати деҳоти Яккатут аз наздик шинос шуд.Зимни сўҳбат бо аъзои хоҷагӣ маълум шуд, ки ҳар яки онҳо ғайр аз маош 12 садяк замини ин хоҷагиро барои эҳтиёҷоти оилавии худ истифода бурда, рўзгорашонро таъмин менамоянд.Иттилоъ дода шуд, ки дар ин ва дигар хоҷагиҳои ноҳияи Абдураҳмони Ҷомӣ кишти такрорӣ ва истифодаи босамари заминҳои корӣ хуб ба роҳ монда шудааст.Дар деҳаи Чкалови ҷамоати деҳоти Иттифоқи ноҳияи Абдурраҳмони Ҷомӣ бо иштироки президент як мактаби сеошёна мавриди баҳрабардорӣ қарор гирифт.Ин мактаб, ки бо харҷи 11 миллиону 221 ҳазор сомонӣ маблағҳои буҷетӣ ва қарзи имтиёзии Бонки исломии рушд бунёд ёфтааст, дорои 36 синфхона, аз ҷумла 11 синфхонаи фаннӣ, 2 синфхонаи компютерӣ, 2 синфхонаи лингафонӣ, 1-тогӣ озмоишгоҳҳои кимиё, биология ва физика барои таълими забонҳои хориҷӣ, 2 синфхонаи махсуси технологияи ҳунаромўзӣ барои духтарону писарон ва китобхонаи калон мебошад. {jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!