Русский  >>  فارسی  >>  Панҷшанбе 8 декабр 2016, 05:06

Бозиҳои даври 13-ум рӯзҳои 14-15 сентябр баргузор мегардад

12 сентябр 2013, 15:51

Рӯзҳои 14-15-уми сентябр бозиҳои даври 13-уми мусобиқоти қаҳрамонии Тоҷикистон миёни дастаҳои Лигаи олӣ баргузор мешаванд.

Се бозии ин давр миёни дастаҳои “Парвоз” - “Регар-ТадАЗ”, ССКА “Помир” - “Энергетик” ва “Истаравшан” - “Истиқлол” доир мегардад.

Бозии дастаҳои “Парвоз”-и Бобоҷон Ғафуров ва “Регар-ТадАЗ”-и Турсунзодаро, ки дар Варзишгоҳи “Фурудгоҳ”-и ноҳияи Бобоҷон Ғафуров баргузор мегардад, Сафармаҳмад Шоймардонов доварӣ мекунад.

Дастаҳои ССКА “Помир” ва “Энергетик” дар Варзишгоҳи КМВА (Клуби марказии варзишии артиш)-и Вазорати мудофиаи Тоҷикистон ба сабқат мебароянд. Ин бозиро Диловаршоҳ Орзуев доварӣ хоҳад кард.

Дастаҳои “Истаравшан” - “Истиқлол” дар Варзишгоҳи марказии шаҳри Истаравшан вориди сабқат мешаванд. Бозиро Равшан Ишматов назорат мекунад. Бозии охирини даври 13-ум бошад рӯзи якшанбе миёни дастаҳои “Хуҷанд”-и Хуҷанд - “Хайр”-и Ваҳдат баргузор мегардад. Ин бозӣ дар Варзишгоҳи “20-солагии Истиқлолияти Тоҷикистон”-и Хуҷанд барпо мегардад. Дар ин бозӣ низ Равшан Ишматов сардовар таъин шудааст.

Феълан дар ҷадвали мусобиқот дастаи “Равшан”-и Кӯлоб бо 30 имтиёз дар садри аввал нишастааст. Дастаи “Равшан” дар мусобиқоти қаҳрамонии имсола ягон бохт надорад. Дастаи “Истиқлол”-и Душанбе, ки дар ду бозӣ аз тими “Равшан” шикаст хӯрда буд, бо 24 имтиёз дар ҷойи дуюм аст. Ҷойи сеюмро бошад, дастаи “Хайр”-и Ваҳдат бо 20 имтиёз ба худ касб кардааст.

Нишонзанҳои беҳтарин: Ҳусейни Сӯҳробӣ (“Хайр”/ ”Истиқлол”) - 7 тӯб, Дилшод Восиев (“Истиқлол”) - 6 тӯб, Ҷаҳонгир Эргашев (“Истиқлол”) - 5 тӯб.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!