Русский  >>  فارسی  >>  Панҷшанбе 8 декабр 2016, 16:54

Ғорати як духтари мактабхон, ки телефони гаронарзиш доштааст

12 сентябр 2013, 16:56

Мақомоти пулиси вилояти Хатлон бо ҷурми ғорат ва тасарруфи як телефони гаронарзиш аз дасти духтари мактабхон, як ҷавони 22-сола, сокини шаҳри Қӯрғонтеппаро боздошт кардааст.

Тибқи иттилои ВКД рӯзи 10-уми сентябр ба пулис Мирзоева Зарафот истиқоматкунандаи шаҳри Қӯрғонтеппа, муроҷиат карда, арз намудааст, ки ҳамон рӯз дар кӯчаи С.Мирзоев шаҳрванд Холиқов Бахтиёр Аскарович, соли таваллудаш 1991, сокини ҳамин шаҳр, ошкоро ва бо роҳи зӯроварӣ сумкаи духтари ноболиғаш Мирзоева Галя Исматовна, соли таваллудаш 1998, хонандаи литсейи техникиро рабуда аз ҷои ҳодиса ғайб задааст. Ба иттилои манбаъ дар дохили сумка, 1 адад телефони мобилии тамғаи «Гелакси S-4», маблағи пулии 20 сомонӣ, 2 адад китоби англисӣ ва дафтарҳои дарсӣ, ҷамъ ба маблағи 3100 сомониро ташкил медод, мавҷуд будааст.

Вазорати умури дохилӣ мегӯяд, дар натиҷаи гузаронидани чорабиниҳои фаврӣ-ҷустуҷӯӣ муттаҳам ба ин ғоратгарӣ дастгир шуда, айни ҳол нисбати ҳодиса тафтишот идома дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!