Русский  >>  فارسی  >>  Шанбе 3 декабр 2016, 20:36

Раҳмон аз СҲШ хост ба Афғонистон кӯмаки бештар кунанд

13 сентябр 2013, 14:27

Эмомалӣ Раҳмон, раисиҷумҳури Тоҷикистон, имрӯз, 13-уми сентябр, дар шаҳри Бишкек ҳангоми ҷаласаи навбатии сарони давлатҳои аъзои Созмони ҳамкории Шанхай хоҳони ҳамкории бештар шудааст.

Тавре дафтари матбуоти раисиҷумҳури Тоҷикистон иттилоъ медиҳад, Эмомалӣ Раҳмон аз ҷумла изҳор доштааст, ки “тайи 12 соли фаъолияти пурсамар Созмони ҳамкории Шанхай ба ниҳоди воқеан фаъол ва дорои обурӯ ва нуфузи байналмилалӣ табдил ёфт”.

Раисиҷумҳури Тоҷикистон бо таваҷҷуҳ ба дурнамои авзои Афғонистон пас соли 2014, ки нерӯҳои НАТО аз қаламрави он берун мешаванд, таъкид кардааст, “мо вазифадорем, ки дар ин марҳилаи тақдирсоз ба Афғонистон кумаки моддию маънавии муассир расонем, то ки сулҳу субот дар ин кишвари дорои таъриху фарҳанги пурғановат барқарор гардида, ҳаёти иҷтимоию иқтисодии он рушди бонизом дошта бошад”.

Дар робита ба таҳким ва рушди ҳамкории минтақавӣ дар қаламрави Созмони ҳамкории Шанхай Эмомалӣ Раҳмон, аз ҷумла таъкид доштааст, ки бояд риояи талаботи Хартияи Созмони ҳамкории Шанхай дар бораи «истифодаи босамари инфрасохтори мавҷуда дар соҳаи нақлиёт ва коммуникатсия, такмили имконоти транзитии кишварҳои аъзо ...” таъмин карда шавад.

Ба иттилои дафтари матбуоти раисиҷумҳури Тоҷикистон дар охир Эмомалӣ Раҳмон ба ҳайси раиси ояндаи Созмони ҳамкории Шанхай аз сарони ҳамаи давлатҳои аъзо ва нозири созмон ва шарикони муколама даъват намуд, ки соли оянда ба Тоҷикистон ташриф биёранд. Дафтари матбуот хотиррасон мекунад, ки пас аз ҳамоиши Бишкек раёсат дар Созмони ҳамкории Шанхай ба Тоҷикистон мегузарад ва ҳамоиши соли оянда дар шаҳри Душанбе баргузор хоҳад шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!