Русский  >>  فارسی  >>  Якшанбе 11 декабр 2016, 16:48

Шоҳидии Далер Бобоев, пурсишҳои қозӣ ва раддияи Зайд

13 сентябр 2013, 15:40

Рӯзи ҷумъаи 13-уми сентябр дар мурофиаи додгоҳии Зайд Саидов, соҳибкор ва раҳбари боздоштшудаи гуруҳи ташаббускори таъсиси Ҳизби Тоҷикистони нав пурсиши айбдоршавандаҳо оғоз шудааст.

Шӯҳрат Қудратов, яке аз се вакили мудофеи Зайд Саидов, дар суҳбат бо “Озодагон” гуфт, нахуст Далер Бобоев пурсида шуд, ки ӯ нишондодҳои зимни тафтишот додаашро тасдиқ намуд. Бобоев порагирии Зайдро аз Сериқбол Окушев, соҳибкори қазоқ барои коркарди маодин дар кони Ҷоре тасдиқ намудааст.

Қудратов афзуд, дар додгоҳ асосан пурсиш аз рӯи моддаи 319, яъне иттиҳом ба порагирӣ сурат гирифт: “Баъд аз Бобоев бозпурсии Зайд Шерович аз рӯи иттиҳоми порагирӣ оғоз шуд ва ӯ қатъиян ин иттиҳомро рад намуд. Айни ҳол то рӯзи душанбеи 16-уми сентябр дар мурофиа танффус эълон шуд ва дар назар аст, ки бозпурсии Зайд Шерович он рӯз идома ёбад.”

Аммо Қудратов аз ифшои ҷузъиёти посухҳои Зайд Саидов ба далели муҳри махфӣ доштани парванда худдорӣ намуд.

Зайд Саидов, соҳибкори шинохта ва раҳбари гуруҳи ташаббускори ҳизби “Тоҷикистони нав”, як моҳ баъд аз эълони азмаш барои таъсиси ҳизби сиёсӣ, субҳи 19-уми майи соли ҷорӣ боздошт шуд. Мақомот ӯро дар порагирӣ, қаллобӣ, тамаъҷӯӣ, таҷовуз ба номус, бисёрзанӣ, алоқаи ҷинсӣ бо ноболиғ ва водор намудан ба исқоти ҳамл муттаҳам медонанд. Иттиҳомоте, ки Зайд Саидов тамоми онро рад кардаву худро бегуноҳ мешуморад.


Шарҳи худро бинависед:

Ном:*
E-Mail:
Матни шарҳ:
Посух додан
  • Сухроб

  • 13 сентябр 2013 17:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
"Аммо Қудратов аз ифшои ҷузъиёти посухҳои Зайд Саидов ба далели муҳри махфӣ доштани парванда худдорӣ намуд." Охир ин хам адвокат шуд, ин хам одами хамон суду прокурор ва даллоли онхо аст. Чунин адваокатхо на химоягари хукуки мардум.
Посух додан
  • фируз

  • 15 сентябр 2013 08:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
дига на ба адвакат бовар карда мешавад на бадигару дигар
Посух додан
  • Амвон чон

  • 15 сентябр 2013 21:26
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин кудратов адвокат нишон дод имруз ки у киро химоя мекунад

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!