Русский  >>  فارسی  >>  Шанбе 3 декабр 2016, 00:49

Ба муштзани мексикоӣ пешниҳод кардаанд бо автомати Калашников ринг барояд

14 сентябр 2013, 10:18

Эдриен Бронер, қаҳрамони ҷаҳон оид ба бокс дар вазни то 66,7 кило аз рӯи версияи WBA (Ассосиатсияи ҷаҳонии бокс) гуфтааст, ки муштзани мексикоӣ Саул Алварес рақиби амрикоияш Флойд Мейуэзерро танҳо дар сурате метавонад мағлуб кунад, ки агар бо автомати пуртири Калашников ба ринг барояд. Дар ин бора Boxingscene иттилоъ додааст.

Ба қавли Бронер барои пирӯзӣ бар Мейуэзер боксчии мексикоӣ шонси дигаре надорад. Эдриен ҳамчунин пешгӯӣ кардааст, ки қаҳрамони ҷаҳон дар вазни то 63,5 кило Дэнни Гарсия бар Лукас Матиссе дастболо мешавад. Ин дидор дар чорчуби шоуе баргузор мешавад, ки дар он Мейуэзер ва Алварес рақобат мекунанд.

Дидори Мейуэзер ва Алварес 14-уми сентябр дар Лас-Вегас баргузор мешавад. Ҳақмузди Мейуэзер барои ин рақобат 41,5 миллион доллар аст, ки дар таърихи бокс бесобиқа мебошад. Ин ду муштзан барои унвони «Абарҷом»-и WBA дар вазни то 69,9 кило, ки мутаалиқ ба Мейуэзер аст ва унвони қаҳрамонӣ аз рӯи версияи WBC (Шӯрои ҷаҳонии бокс), ки дар дасти Алварес аст, мубориза хоҳанд кард.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!