Русский  >>  فارسی  >>  Сешанбе 6 декабр 2016, 10:48

Президент хостори фаъолияти беҳтари “Имон Интернешнл” шуд

16 сентябр 2013, 09:34

Эмомалӣ Раҳмон, раисиҷумҳури Тоҷикистон, дар шаҳраки Нов, дар маросими ифтитоҳи намояндагии созмони хурди қарздиҳии “Имон Интернешнл” иштирок карда, хостааст, хизматрасонӣ ба мизоҷон ва ҳавасманд кардани мардум ба нигоҳ доштани пасандозҳояшон дар бонкҳои саҳҳомӣ ва созмонҳои хурди қарздиҳӣ густариш ёбад.

Тибқи иттилои дафтари матбуоти раисиҷумҳури Тоҷикистон, зимни шиносоии Эмомалӣ Раҳмон бо кори созмони хурди қарздиҳии Имон Интернешнл, аз ҷумла иттилоъ дода шуд, ки ин муассисаи ғайридавлатӣ аз ҷониби Ассотсиатсияи занони соҳибкори ҷумҳурӣ таъсис ёфта, ҳоло дар тамоми қаламрави кишвар 108 намояндагии он боз гардидааст: “Дар онҳо 1400 нафар соҳиби кори доимӣ шудаанд. Маоши кормандони ин муассисаи хурди қарздиҳӣ аз 800 то 4 ҳазор сомониро ташки медиҳад.”

Ба иттилои манбаъ сандуқи умумии қарзии Имон Интернешнл дорои 424 миллион сомонӣ маблағ буда, беш аз 69 ҳазор қарзгиранда дорад. Тавре иттилоъ доданд, беш аз 40% мизоҷони ин муассиса занону духтарони соҳибкор мебошанд.

Дафтари матбуоти раисиҷумҳури Тоҷикистон мегӯяд, танҳо дар намояндагиҳои ин муассиса дар ноҳияи Спитамен беш аз 100 нафар бо кор таъмин гардидааст. Бо вуҷуд Эмомалӣ Раҳмон аз роҳбарият ва кормандони ин муассисаи хурди қарздиҳӣ хостааст, фаъолияти худро боз ҳам беҳтару васеътар кунанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Точик

  • 16 сентябр 2013 22:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Карзи и бонкхо рибо аст ва рибо дар ислом харом аст. Ин фоизхои ин бонкхо ва муасиссахои хурди карзи ба сари миллати точик бадбахти меорад.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!