Русский  >>  فارسی  >>  Ҷумъа 9 декабр 2016, 14:38

Маҳкамов нагузошт, футболбозони “Хайр” пирӯз шаванд

16 сентябр 2013, 11:00

Бозиҳои даври 13-уми мусобиқаи Тоҷикистон оид ба футбол миёни дастаҳои лигаи олӣ ба анҷом расид.

Тими “Хуҷанд”-и Хуҷанд дар варзишгоҳи “Спартак” бо дастаи “Хайр”-и Ваҳдат вориди рақобат шуда бозиро бидуни гол анҷом доданд. Ин бозӣ рӯзи 15-уми сентябр дар варзишгоҳи “Спартак”-и шаҳри Хуҷанд баргузор гардид. Дар дақиқаи охирини вақти иловагӣ (90+3) ба бозигарони дастаи “Хайр” имконияти беҳтарини голзанӣ пайдо шуд, аммо Ҷамшед Исмоилов, бозигари ин даста аз ин имконият дуруст истифода карда натавонист. Ӯ тӯбро аз ҷаримагоҳ (Пеналтӣ) ба дарвозаи ҳариф ҳаво дод, вале дарвозабони дастаи “Хуҷанд”-Абдуазиз Маҳкамов маҳорати хуб нишон дода, тӯби задаи ӯро гардонд.

Се бозии дигари ин давр рӯзи 14-уми сентябр баргузор шуд. Тими «Истиқлол»-и Душанбе дар меҳмонӣ дастаи «Истаравшан»-и Истаравшанро бо ҳисоби 3:1 мағлуб кард. Ҳисобро дар дақиқаи 8-ум Толиб Султонов, ҳамлагари “Истиқлол” боз кард, аммо мизбонҳо дар дақиқаи 29-ум ҳисобро баробар карданд. Қисмати аввали бозӣ мусовӣ – 1:1 анҷом ёфт. Аммо дар қисмати дуюми бозӣ Ҳусейни Суҳробӣ, легионери эронии “Истиқлол” дар дақиқаҳои 65-ум ва 89-ум ду тӯбро вориди дарвозаи “Истаравшан” кард.

Клуби “Энергетик”-и Душанбе ба дарвозаи тими ССКА “Помир” як голи беҷавоб зад. Муаллифи ин туб легионери ганаӣ Феликс Бафое буд.

Дар бозии дигар “Парвоз”-и Бобоҷон Ғаффуров ва “Регар-ТадАЗ”-и Турсунзода бозиро 1:1 мусовӣ карданд. Голи дастаи “Регар”-ро дар дақиқаи 77-ум Далер Шомуродов зад. Дар дақиқаи 90-ум Гулзор Бутабеков ҳисобро баробар кард.
Феълан дар ҷадвали мусобиқот дастаи “Равшан”-и Кӯлоб бо 30 имтиёз дар садри аввал нишастааст. Дастаи “Равшан” дар мусобиқоти қаҳрамонии имсола ягон бохт надорад. Дастаи “Истиқлол”-и Душанбе, ки дар ду бозӣ аз тими “Равшан” шикаст хӯрда буд, бо 27 имтиёз дар ҷойи дуюм аст. Ҷойи сеюмро бошад, дастаи “Хайр”-и Ваҳдат бо 21 имтиёз ба худ касб кардааст.

Нишонзанҳои беҳтарин: Ҳусейни Сӯҳробӣ (“Хайр”/ ”Истиқлол”) – 9 тӯб, Дилшод Восиев (“Истиқлол”) – 6 тӯб, Ҷаҳонгир Эргашев (“Истиқлол”) – 5 тӯб.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!