Русский  >>  فارسی  >>  Ҷумъа 9 декабр 2016, 16:31

Футболбозони навраси тоҷик дар Қувайт қувваозмоӣ мекунанд

16 сентябр 2013, 12:13

Дастаи мунтахаби наврасони Тоҷикистон (U-16), ки дар Мусобиқаи интихобии қаҳрамонии Осиё байни наврасон ба гуруҳи ”А” шомил шудааст, як ҳафта қабл аз оғози мусобиқот ба макони баргузории бозиҳо, ба Қувайт, сафар кардааст.

Сармураббии Мунтахаби наврасони Тоҷикистон, Чикаши Сузукӣ, мутахассиси ҷопонӣ ба ҳайати асосии даста 23 бозигар- 3 дарвозабон 6 ҳимоятгар, 10 нимҳимоятгар ва 4 ҳамлагарро даъват кардааст.

Аз рӯи тақвими бозиҳои Мусобиқаи интихобии қаҳрамонии Осиё байни наврасон (U-16) мунтахаби наврасони то 16 солаи тоҷик, рӯзи 21-уми сентябри соли равон бо якачини наврасони Ҳиндустон қувваозмоӣ намуда, рӯзҳои 23-юм, 27-ум ва 29-уми сентябр бо дастаҳои наврасони Бутан, Қувайт (мизбон) ва Лубнон ба сабқат мебарояд.

Ғолибони 10 гуруҳ ва 5 дастаи беҳтарини ҷойҳои дувум ба марҳилаи ниҳоии мусобиқаи қаҳрамонии Осиё байни наврасон (U-16), ки соли оянда дар Тайланд баргузор мешавад, роҳ меёбанд.

Ҳайати мунтахаби наврасони Тоҷикистон (U-16) дар Мусобиқаи интихобии қаҳрамонии Осиё байни наврасон
Дарвозабонҳо: Бехрӯз Хайриев (“Нури Норак”), Шаҳром Исмоилов (“Вахш”), Фирӯз Бекмуродов (РШВСМ);

Ҳимоятгар: Алишер Сафаров (“Истиқлол”), Сироҷиддин Гулмуродов (“Нури Норак”), Абубакр Азимов (“Равшан”), Фирӯз Ризомов (“Вахш”), Табрези Давлатмир, Суҳроб Мирзоев (ҳарду – РШВСМ);

Нимҳимоятгар: Эхсони Панҷшанбе, Ҳокимҷон Хасанов, Ҷамшед Махсумов (ҳама – РШВСМ), Суҳроб Муминов (“Энергетик”), Кароматулло Саидов, Худойдод Узоқов (ҳарду – “Вахш”), Муҳаммаҷони Ҳасан (“Равшан”), Сомон Мавлонов (“Саройкамар”), Саиҷон Шарипов (“Эсхата”), Илҳомҷон Бердиалиев (“Регар-ТадАЗ”);

Ҳамлагарон: Собирҷон Гуляков, Муҳаммадҷон Шарипов (РШВСМ), Рустам Толибов (ССКА “Памир”), Ҳиматулло Муллодустов (“Саройкамар”).


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!