Русский  >>  فارسی  >>  Якшанбе 4 декабр 2016, 11:05

Зайд Саидов гуфтааст, 100% бегуноҳ аст ва дар ягон ҷинояте даст надорад

16 сентябр 2013, 16:18

Зайд Саидов, раҳбари боздоштшудаи гурӯҳи ташаббускори таъсиси Ҳизби “Тоҷикистони нав”, дар рӯзи севуми мурофиаи додгоҳияш аз вазъи саломатии худ изҳори қаноатмандӣ кардааст. Ӯ гуфта, ки дар муқоиса ба рӯзҳои аввал ба ваъзи нигаҳдорӣ дар боздоштгоҳ мутобиқ шудааст ва ҳоло тамоми талошаш бар ин аст, ки мурофиа хуб бигузарад.

Шӯҳрат Қудратов, яке аз се вакили мудофеи оқои Саидов, ки баъд аз анҷоми мурофиаи ҳафтсоата бо “Озодагон” сӯҳбат мекард, гуфт, рӯзи душанбе 8 моддаи марбут ба парвандаи нафари таҳти ҳимояташ баррасӣ гардида, Зайд Саидов тамоми иттиҳомотро рад кардааст: “Зайд Саидов сад дарсад тамоми иттиҳомро рад карда гуфт, дар ҳеч яке аз ин ҷиноёт даст надорад. Номбурда дар ин мурофиа низ натиҷаи ташхиси ДНК-ро рад кард. Аз ин хотир, мо аз додгоҳ талаб хоҳем кард, то ташхиси ДНК аз нав гузаронида шавад”,-гуфт Шӯҳрат Қудратов.

Дар ҳамин ҳол, Исҳоқ Табаров, яке дигар аз вакилони мудофеи Зайд Саидов мегӯяд, онҳо барои исботи бегуноҳии нафари таҳти ҳимояташон далелҳои қотеъ доранд, ки дар ҳолатҳои зарурӣ истифода хоҳанд кард. “Мо аз додраси парванда дархост кардем, то ҷабрдидагон -Окушев, Коретский, Витриченко, Сурков ва ҳамчунин духтари таҷовузшуда низ барои бозпурсӣ даъват карда шаванд",-гуфт Исҳоқ Табаров.

Шӯҳрат Қудратов мегӯяд, аммо дархости онҳо аз тарафи додгоҳ дар мавриди қисман ба таври боз сурат гирифтани парванда рад карда шуд. Ӯ мегӯяд, аз сабаби махфӣ будани парванда ҷузъиёти бештари онро ошкор карда наметавонанд. Дар ҷавоб ба саволи хабарнигорон, ки мурофиаи додгоҳӣ то ба кай идома хоҳад кард, номбурда гуфт: “Дар ин парванда 6 ҷабрдида ва ҳамзамон шоҳидон низ бояд бозпурсӣ шаванд. Эҳтимол дар парвандаи мазкур ҳудуди 25 кас пурсида шавад. Идомаёбии парванда аз он вобаста аст, ки додрас чӣ қадар зуд онҳоро пайдо карда метавонад”,-гуфт Қудратов.

Мурофиаи додгоҳии Зайд Саидов, раҳбари боздоштшудаи гуруҳи ташаббускори таъсиси Ҳизби Тоҷикистони нав 12-уми сентябри соли ҷорӣ дар боздоштгоҳи муваққати Кумитаи амнияти миллӣ оғоз ёфт. Танҳо рӯзи 16-уми сентябр Хайрулло Саидов ва Файзиддин Шеров, писар ва бародари Зайд Саидов барои иштирок дар мурофиаи додгоҳии ӯ иҷоза дарёфт карданд.


Шарҳи худро бинависед:

Ном:*
E-Mail:
Матни шарҳ:
Посух додан
  • Haker

  • 17 сентябр 2013 10:36
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бегунох факат тифл аст ва албат кам-кам гунох доштагист ин сохибкори муваффак.
Посух додан
  • Rost

  • 17 сентябр 2013 22:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Rost megi barodar begunoh fakat tifl ast, lokin Zaid Said dar hamin tuhmato begunoh ast
Посух додан
  • Далер

  • 18 сентябр 2013 09:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бовичдонтар ва ботавозуътар аз Зайд Саид ман надидаам, бо чунин милионер буданаш боз хоксор!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!