Русский  >>  فارسی  >>  Панҷшанбе 8 декабр 2016, 12:53

Президент дар бораи айёми кӯдакияш китоб менависад

17 сентябр 2013, 09:34

Қурбонгулӣ Бердимуҳаммадов, раисиҷумҳури Туркманистон дар бораи айёми кӯдакияш китоб менависад.

Дар ин бора Бердимуҳаммадов ба “Тdh.gov.tm”, хабаргузории расмии Туркманистон хабар додааст. Ӯ гуфтааст, китоберо таълиф дорад, ки он дар бораи ҳикматҳои зиндагие, ки ҳанӯз дар даврони кӯдакӣ омӯхтааст, ҳикоя мекунад.

Инчунин ба гуфтаи раисиҷумҳури Туркманистон, дар ин китоб дар бораи шахсиятҳои беназире, ки ӯ дар тули ҳаёташ вохурдаву боиси хушбахтиаш шудаанд, гуфта мешавад.

Бердимуҳаммадов мегӯяд, ҳадаф аз таълифи ин китоб ошно намудани хонандагон бо хотироти равшану поки айёми кӯдакии ӯ мебошад, ки ба гуфтаи раисиҷумҳур эътимоди хонандаро ба дӯстии самимонаву боварӣ ба андешаҳои содиқона зиёд мекунад.

Бар асоси манобеи хабарӣ, то кунун тақрибан 5 китоби раисиҷумҳури Туркманистон аз чоп баромадааст, ки машҳуртарини онҳо, “Манобеи илмӣ барои рушди соҳаи тандурустӣ дар Туркманистон” ва “Охолтекинӣ- ифтихору ғурури мо” мебошад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!