Русский  >>  فارسی  >>  Якшанбе 4 декабр 2016, 19:12

“Ман ба Ҳизби иҷоранишинҳои Тоҷикистон пайвастам. Шумо чӣ?”

17 сентябр 2013, 11:11

Дар арафаи интихоботи президентӣ аз таъсиси боз як ҳизб хабар расид. Дар сурати сабти ном шудан, шумори аҳзоби расмӣ ба як кам даҳ мерасад. Аммо агар нашавад, паҳлӯи «Тоҷикистони нав»-у «Ваҳдат»-у «Тараққиёт» иҷоранишин хоҳад шуд. Мисли аъзояш. Гап дар бораи ҳизби иҷоранишинҳо меравад.


Идеяи таъсиси Ҳизби иҷоранишинҳо дар майнаи бештари иҷоранишинҳо иҷоранишин буд. Аммо касе ҷуръати эълон карданашро надошт. Бархе аз он ки шояд хандахариши одамон мешаванд, қисме аз тарси он ки мақомот таъқибашон мекунанд, нафароне ҳам барои он ки то охири умр иҷоранишин боқӣ намонанд, аз эълони ин ҳизб худдорӣ мекраданд.

Аммо ахиран як иҷоранишини собиқадор ин идеяи иҷоранишинро бехона кард: он гуна, ки худашу худашбаринҳоро чандин бор дар сардиву гармӣ, торикиву равшанӣ аз хонаи иҷора берун кардаанд. Ба идеяи бечора на раҳм кард, на шафқат: ҳатму гирифту аз майнааш берунаш андохт, бо бору буғчааш.

Мисли Талабшоҳи Салом, ки аз тасмимаш дар шабакаи иҷтимоии Фейсбук хабар дод, дили бисёри иҷоранишинҳо тар шуд. Ҳам онҳое, ки аз хандахариш шудан метарсиданд, ҳам онҳое, ки аз таъқиб ҳарос доштанд ва ҳам дигару дигарҳо оҳи сабук кашиданд. Чӣ гуна накашанд, вақте билохира он чиро, ки мехостанд, гуфта шуд. Ин мардаки хуб, яъне Талабшоҳи иҷоранишин навишт, ки “Бародарон! Чандест, ки андешае дар сарам чарх мезанад, вале дар танҳоӣ ба андешаи амиқе расида натавонистам ва маҷбур шудам ба шумо муроҷеъ шавам. Тасмими ман ин аст, ки Ҳизби квартирантони Тоҷикистонро созмон диҳам. Шумо чӣ мегӯед?"

Иҷоранишинҳо зуд ба “лайк" кардани ин навишта пардохтанду дасту остин барзада зераш шарҳҳо кориданд.

Қиёмиддин Авазов, як корбари Фейсбук навишт, ки “иҷоранишинҳои Русия ҳам ба ин ҳизб хоҳанд пайваст”. Аммо қонундонҳо гуфтанд, ки “қавонини кишвар узвияти хориҷиҳоро мамнуъ медонад” ва илова карданд: “қасди мо ҳалли машкили шаҳрвандони Тоҷикистон аст”. Дигарӣ гуфт: “Ҳизби мо воқеан, миллист, зеро ба ғайри тоҷик каси дигаре дар Ватани худ квартирант нест”.

Аммо зуд маълум шуд, ин идея дар баробари пуштибонҳои зиёд, мухолифин ҳам дорад (нишони демократия-да). Яке навишт, ки “Тоҷикистон кайҳо боз барои тоҷикон ба маскани квартирантӣ ва зодгоҳи муҳоҷирон табдил ёфтааст, Талабшо хобӣ ё бедор? Нав ақлат ба сарат зад?”

Аз он ки теъдоди иҷоранишинҳо хеле зиёд аст ва бештари онҳо дар аҳзоби дигар аъзоянд, аз ҷумла дар Ҳизби халқӣ-демократӣ шояд мақомот садди роҳ шаванд. Чун агар иҷоранишинҳо ба Ҳизби нав пайванданд, сафи ҲХДТ ба оҳистагӣ холӣ мешавад. Ин дар ҳолест, ки муассисони ҳизби нав мегӯянд, “мо ҳизби иҷтимоием, узви ҳизби сиёсии дигар будан ишколе надорад”.

Талабшоҳ маҷбур шуд баъди саволҳои зиёди корбарон ҳадафи ин ҳизбро ба хонандаҳо бифаҳмонад: “Мақсад бардоштани масъалаи иҷоранишинон аст. Ҳозир иҷорадиҳанда шоҳ асту табъаш вазир. Тавре хоҳад, ҳамон тавр рафтор мекунад. Ҳуқуқи иҷоранишинро кӣ ҳимоя мекунад? Баъдан чаро сатҳи зиндагӣ паст асту нархи иҷора ва манзил баланд?”

Чандин иҷоранишин аллакай барои омодагӣ аз таъсиси Кумитаи тадорукот хабар доданд. Ҳатто масъалаи ҷамъоварии имзо барои пешниҳод барои сабти ном қариб ҳал шуд. Аъзамшоҳ, навишт, ки ҷамъоварии 225 имзоро бар уҳда мегирад, чун ба қавли ӯ “дом”-ашон “пури квартирант” аст.

Баъзе иҷоранишинҳои ҳушёр зуд аз интихобот пурсиданд. Аммо боз посух ин буд, ки “дар интихоботи қарибулвуқуъ ҳаққи ширкат надорем. Дар интихоботҳои баъдӣ анҷуман тасмим мегирад”.

Баъзеҳо аз тақдири Зайд Саидов ёдоварӣ кардаанд, ки баъди эълони тасмимаш дар мавриди таъсиси ҳизби “Тоҷикистони нав” пушти панҷара рафт. Аъзам Умаров, як корбар, низ гуфта, ки “ҳозир сабр кунед, интихобот гузарад, метарсам, ки боз...”. Иззат Амон ҳам бетараф набуд ва гуфт: “Талабшоҳе, ҳукумат рӯзи Шобарота бар саратон гардон накунад бо ҳизбсозитон”.

Як шарти аъзо шудан ба ин ҳизб иҷоранишин будан аст. “Квартира ба сифати партбилети мо хоҳад буд”,-эълон карданд муассисони ҳизб. “Ҳизбро таъсис бидихеду дар интихоботи парлумонии соли 2015 ширкат кунед. Боваратон бошад, ки ҳадди аққали курсиҳои вакилиро соҳиб мешавед (тахминан 33-39 мандат)”,-навишт як корбари дигар.

Чанд нафар барои ҳизб шиор ҳам гуфт: “Ин хона қашанг аст, вале хонаи ман нест” ё "Квартирантҳои ҳамаи Тоҷикистон як шавед"!

Он гуна, ки «гурусна нон хоб мебинад», 80 дар сади хобҳои иҷоранишинҳо дар мавриди соҳиби хона шудан аст ва тавре «камбағал ончиро зикр мекунад, ки фикр мекунад», бештарини маврид иҷоранишинҳо аз манзил суҳбат мекунанд. Бо ин пуле, ки дар Тоҷикистон кор мекунӣ 150 сол бояд нахӯрда, напушида соҳиби манзил шавӣ. Аз ин рӯ ман ба сафи ин ҳизб мепайвандам. Шумо чӣ?

А, иҷоранишин дар ҳар кӯчаву паскӯчаи Душанбе


Шарҳи худро бинависед:

Ном:*
E-Mail:
Матни шарҳ:
Посух додан
  • саломат

  • 17 сентябр 2013 11:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар ахди шурави 85-90% коммунистон хама ичоранишин буданд, аммо дар замони демократия раисони шахру навохи хонахои зисти муваккатиро хусуси карданд. Аслан хамаи мо хатто Муродали Алимардону Амонулло Хукумов хам дар ин дунё ичоранишинанд, яъне рузи рафтан доранду дастгоху молиёташон сохибони дигар пайдо мекунанд. Аммо ин хизбро набояд ба кайд гирифт. Зеро чомеа мошинеро мемонад, ки тоби "резкий поворот"-ро надорад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мо аллакай як хизби ичоранишин дорем, хамон бас нест? Масалан ХСДТ. Хама мачлису анчуманхояшро дар толорхои ичорави мегузаронад ва хар вакт Хукумат онро аз ин толор ба он толор сур мекунаву сохибони ичора хам зуд аз додани ичора даст мекашанд. Аз бахри таъсиси хизби ичоранишинхо гузаред, ки боз аз хамон ичора хам махрум нашавед. Он гох мачбуред хизби оворахоро таъсис дихед. Ман хам ичоранишинам, вале ба хотири махрум нашудан аз ягона умед, яъне хонаи ичора ман ба Хизби Шумо намепайвандам.
Посух додан
  • ичоранишин

  • 17 сентябр 2013 11:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман ба ин ХИЗБ мепайвандам агар ташкил шавад рости 14 сол боз пул чам мекунам ки хона харам наметавонам то хол ичоранишинам чи илоч на замин медиханду на хонаи ба карз ин хукумати мо....
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рости, аз он ягон манфиате ба ичоранишинон хосил шавад, чаро напайвандему дастгириаш накунем. Аз пули ичора додану нози сохибхонаро бардоштан дар ин 12 сол як чи шудем охир...))))
Посух додан
  • Бехона

  • 17 сентябр 2013 16:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман сад дар сад тарафдори Талабшо хастам. Аъзои ХХДТ мебошам вале дар ичора мешинам. Дар хизби мо садхо нафар чунин ичорашинхо хастанд. Агар аз дасти хизби шумо ягон кор ояд, ХХДТ-ро монда ба ичорашинхо мепайвандам. Лекин медонам, ки то сохиби хукумат нашавед, ба ягон кас хона дода наметавонед.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ФИКРИ ОЛИЧАНОБ!! Хайр дар хама кор тарафдорону мукобилон хастанд, ки ин хело ХУБ мебошад. Мухим он, ки бетарафон кам бошанд. Умуман хар кадом хизб мебояд манфиатхои гурухеро ифода намояд, на чун хизбхои "оппозитсионие" дар мо вучуд дошта. Ин хизбакхо хамаро чазирбод карда мехоханд дар оби лойолуд мохи доранд, ки як навъи гуландози мебошаду хеч вакт ба манзили умед намерасад.
Лекин ачоиб фикре мухтарам Талабшох пешниход кардаанд. Дар асл хаммаи мавчудоти олам то зинда хастанд ичоранишини ин оламанд, лекин дар сурати акс метавон фахмид ки ин пешниход чиро такозо дорад. Шахсан ман тарафдор шуда метавонам. Биёед бародарон ОИННОМА-и ин хизбро пешниход намуда баъд онро тасдик намоему бо даровардани тагироту иловахо дастгирияш кунем. Шахсан ман пешниход менамоям, ки сараввал хаки аъзогии вуруд 50 сомони ва хармоха 10 сомониро ташкил дихад. Шумо чи фикр доред?

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!