Русский  >>  فارسی  >>  Шанбе 10 декабр 2016, 15:43

Академик Бухориев довталаби курсии президентӣ шуд

17 сентябр 2013, 13:04

Вакилони Анҷумани Ҳизби аграрӣ ё кишоварзии Тоҷикистон рӯзи 17-уми сентябр Толиббек Бухориеви 59-сола -- ноиби раиси ин ҳизбро номзад ба мақоми раёсати ҷумҳури Тоҷикистон интихоб карданд. Аз 83 вакил ҳаштод нафар ба тарафдории академик Бухориев раъй дода, ӯро номзади худ эътироф намуданд.

Бухориев аз моҳи январи соли 2008 муовини Президенти Академияи илмҳои кишоварзии Тоҷикистон мебошад. Вай зодаи ноҳияи Ванҷ буда, солҳои 1998-2001 ба ҳайси мудири кафедраи растанипарварии Донишгоҳи аграрӣ ва солҳои 2001-2008 ҳамчун Директори генералии Донишкадаи илмию таҳқиқотии “Зироаткор” ба номи А.Н.Махсумов кор кардааст.

Ҳизби аграрии Тоҷикистон, ки дар остонаи интихоботи раёсати ҷумҳури соли 2006 таъсис ёфта, ҳоло ба гуфтаи масъулонаш 3 ҳазор узв дорад, бори дувум аст, ки бо номзади худ вориди сабқати интихоботи президентӣ мешавад. Дар интихоботи қаблӣ Амир Қароқулов, ки ҳоло узви Маҷлиси Намояндагон аст, бо Эмомалӣ Раҳмон вориди сабқат шуда, аммо раъйи кофӣ ба даст наоварда буд.

Бархе аз соҳибназарон ин ҳизбро ба унвони “ҳизби кисагӣ” мешиносанд, ки ба гуфтаи онҳо дар лаҳзаҳои мушкил барои ҳукумат бо номзадҳову пешниҳодҳояш “кумак мекунад”.


Шарҳи худро бинависед:

Ном:*
E-Mail:
Матни шарҳ:
Посух додан
  • в

  • 17 сентябр 2013 14:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бухориев айба намедони? Туро истифода бурда истодаанд.
Посух додан
  • Демократ

  • 17 сентябр 2013 15:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аграрнико ачиб будаанд. Як нафареро пешниход мекунанд, ки касе намешиносад. Се хазор аъзо доштаст, лекин 210000 имзоро чи хел чамъ мекарда бошад. Дилам месузад, ба ин олими академики ношинос. Академик ягон кашфиёти бузург бояд дошта бошад. Кучо мерафта бошем...

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!