Русский  >>  فارسی  >>  Шанбе 10 декабр 2016, 17:44

Зоиров: “Бо Ойниҳол Бобоназарова ҳастем ва пас намегардем!”

18 сентябр 2013, 14:55

Раҳматилло Зоиров, раиси Ҳизби сотсиал-демократи Тоҷикистон (ҲСДТ), мегӯяд, онҳо аз пуштибонии Ойниҳол Бобоназарова ба унвони номзади ягонаи ислоҳотхоҳон даст нахоҳанд кашид.

Ӯ рӯзи 18-уми сентябр дар сӯҳбат ба “Озодагон” гуфт, дар ин шабу рӯз гуруҳе бо овозапароканӣ мехоҳанд муносиботи аъзои ҳизби ӯ бо наҳзатиҳоро сард созанд, ки беҳуда аст. “Мо ин гуна имкониятро барои онҳо намедиҳем. Онҳо зиёд талош доранд, то ба ин васила миёни ҲНИТ ва ҲСДТ тафриқа андозанд. Сару садо мебароранд, ки гӯиё Иттиҳоди нерӯҳои ислоҳотхоҳ аз байн меравад. Аммо ин гуна нест. ҲСДТ то ба охир бо ИНИТ боқӣ хоҳад монд”,-изҳор дошт Раҳматилло Зоиров.

Раҳбари сотсиал-демократҳо дар идома гуфт, сару садоҳое ҳам пайдо шудаанд, ки гӯиё ҲСДТ бо номзади худ вориди корзори интихобот мешавад: “Ин асос надорад, чунки имконият намедиҳанд, то номзади мо ба қайд гирифта шавад.” Оқои Зоиров афзуд, ҲНИТ ва ҲСДТ на танҳо барои манфиати худ, балки барои манфиати ҷомеа тасмими худро гирифтаанд.

Сотсиал-демократҳои Тоҷикистон рӯзи 21-уми сентябри соли ҷорӣ Анҷумани пешазинтихоботии худро баргузор ва вакилони он шеваи иштироки ҳизб дар интихоботро мушаххас хоҳанд кард. ҲСДТ ва ҲНИТ, аз муассисони Иттиҳоди нерӯҳои ислоҳотхоҳанд, ки дар якҷоягӣ номзадии Ойниҳол Бобоназароваро ба мақоми президентӣ пешбарӣ кардаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Мухибулло

  • 18 сентябр 2013 20:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ассалому алайкум.
Боракаллоҳ, муҳтарам Раҳматилло Зоиров бо ин хулоса ва тасмими қавият. Фаромуш накунед "Пароканда лашкар наояд ба кор, дусад марди чанги бех аз садҳазор"

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!