Русский  >>  فارسی  >>  Душанбе 27 феврал 2017, 07:23

Вазифаи нави Маҳмадалӣ Ҳайит ва Маҳмудҷон Қосимов

18 сентябр 2013, 15:44

Маҳмадалӣ Ҳайит, муовини раиси Ҳизби наҳзати исломӣ, раҳбари ситоди интихоботии Ойниҳол Бобоназарова, номзади ягона аз Иттиҳоди нерӯҳои ислоҳотхоҳи Тоҷикистон (ИНИТ) таъин гардид. Ин тасмим рӯзи 18-уми сентябр дар ҷаласаи муштараки Ҳизби наҳзати исломӣ ва Ҳизби сотсиал-демократ ва бо ҳузури хонум Бобоназарова, гирифта шудааст.

Абдуқаюми Қаюмзод, сухангӯи номзади ягонаи ИНИТ, ба “Озодагон”, дар ин бора хабар дода ва гуфт, дар ҷаласаи рӯзи чаҳоршанбе сохтори ситоди мазкур баррасӣ ва нафарони масъули он таъин шудаанд.

Ба гуфтаи Қаюмзод, Маҳмудҷон Қосимов -- муовини раиси Ҳизби сабтиномнашудаи Тоҷикистони нав муовини раиси ситоди мазкур интихоб гардидааст.

Инчунин, дар ин ҷаласа, ки дар қароргоҳи марказии ҲНИТ дар Душанбе баргузор шудааст, шароити корҳои муштараки аъзои ИНИТ, аз ҷумла Ҳизби наҳзати исломӣ ва Ҳизби сотсиал-демократ, имконияту зарфиятҳои молию таблиғии он барои иштирок дар интихобот ва бо роҳҳои қонунӣ ҷалб намудани маблағ баррасӣ гардид.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!