Русский  >>  فارسی  >>  Шанбе 3 декабр 2016, 22:41

Ситоди Бобоназарова нахустин монеагузории мақомотро супориши "боло" номид

18 сентябр 2013, 16:39

Ситоди интихоботии Ойниҳол Бобоназарова, номзади ягона ислоҳотхоҳон, аз эҷоди монеаҳои сунъӣ дар рафти ҷамъовраии имзоҳо аз сӯи бархе мақомоти ҳукуматҳои маҳаллӣ изҳори нигаронӣ дорад.

Абдуқаюми Қаюмзод, сухангӯи номзади ягонаи ИНИТ, дар суҳбат ба “Озодагон” гуфт, мақомоти ҳокимияти иҷроияи бархе аз шаҳру навоҳии кишвар барои ҷамъвораии имзоҳо ба кормандони ин ситод мушкил эҷод мекунанд.

Қаюмзод мегӯяд, ҳукуматҳои маҳаллии ноҳияи Турсунзода ва навоҳии Фирдавсию Шоҳмансури шаҳри Душанбе аз кормандони ситоди мазкур баробари варақаҳо барои гирифтани муҳри мақомоти ин навоҳӣ мактуб низ талаб кардаанд. Вале сухангӯи номзади ягонаи ИНИТ аз он изҳори нигаронӣ дорад, ки мақомоти навоҳии мазкур ба кормандони ситод нагуфтаанд, ки ин мактуб аз кӣ ва аз куҷо бояд оварда шавад.

Аз сӯи дигар, ба гуфтаи Қаюмзод мақомоти ҳукумати ноҳияи Хуросони вилояти Хатлон ба масъули ситоди интихоботии номзади ягонаи ИНИТ гуфтааст, азбаски Шумо узви Ҳизби наҳзати исломӣ мебошед, чи қадаре, ки ин ҳизб узв дорад, ҳамон қадар ҳаққи ҷамъоварии имзоро дореду халос. Дар ҳоле ки дар қонунҳои кишвар чунин як маҳдудияте зикр нашудааст.

Дар ҳамин ҳол, Кумисюни марказии интихобот ва раъйпурсии Тоҷикистон (КМИРТ) аз ин амалкарди ҳукуматҳои иҷроияи бархе аз навоҳии кишвар изҳори беэътилоӣ намуда, гуфтааст, ба ин қазия расидагӣ хоҳад кард.

Абдуқаюми Қаюмзод мегӯяд, азбаски монеаҳо дар бештари навоҳӣ бо як тарзу мазмун эҷод мешаванд, ИНИТ инро як амали супоришӣ ва тарҳрезишуда аз боло меҳисобад.


Дар акс: Абдуқаюми Қаюмзод, сухангӯи номзади ягонаи ИНИТ


Шарҳи худро бинависед:

Ном:*
E-Mail:
Матни шарҳ:
Посух додан
  • Диловар

  • 18 сентябр 2013 20:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
И номардо на кавл доранду на одамгари. Анаира меган демократияи тоҷики.
Аз як зан икадар тарсу харос доранд дар холеки ХХДТ иддио карда буд ки ин занро ҳамчун ракиб ҳам намехисобад.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!