Русский  >>  فارسی  >>  Душанбе 5 декабр 2016, 17:34

“Равшан” дар нимфинал бо “Истиқлол” рӯбарӯ мешавад

19 сентябр 2013, 09:41

Рӯзи 18-уми сентябр бозиҳои ҷавобии даври 1/4-ниҳоии Ҷоми Тоҷикистон ба поён расид. Акнун чор дастаи Лигаи олӣ (“Регар-ТадАЗ” -- “Энергетик” ва “Равшан” – “Истиқлол”) дар нимфинал миёни ҳам рақобат хоҳанд кард.

Дастаи “Регар-ТадАЗ” рӯзи чоршанбе дар бозии ҷавобии 1/4-ниҳоӣ “Энергетик”-и Душанберо бо ҳисоби 2:1 шикаст дода, ба нимфинал баромад. Нимаи аввали дидор мусовӣ 1:1 анҷом ёфт. Голҳоро Сафаралӣ Каримов, бозигари “Регар-ТадАЗ”, дар дақиқаи 18-ум ва Алия Силла, легионери ганагии “Энергетик” дар дақиқаи 23-юм заданд. Голи ҳалкунандаи бозиро Фирӯз Раҳматов дар дақиқаи 64-ум ба ҳадаф расонд. Дар бозии аввал дастаи “Регар-ТадАз” бо ҳисоби 2:0 пирӯз шуда буд.

Дастаи “Равшан”-и Кӯлоб дар майдони дуд дастаи “Парвоз”-и Бобоҷон Ғафуровро бо ҳисоби 2:1 мағлуб кард. Фирӯз Бобиев, бозигари дастаи “Парвоз” дар дақиқаи 39-уми дидор ҳисобро кушод. Ду голи соҳибони майдонро Давронҷон Тухтасунов дар дақиқаи 47-ум ва Чарлз Тико, легионери африқоии “Равшан”, дар дақиқаи 58-ум ба ҳадаф расонданд. Бозии аввал низ бо ҳамин ҳисоб ба нафъи “Равшан” анҷом ёфта буд.

Тими “Истиқлол” дастаи “Истаравшан”-и Истаравшанро дар варзишгоҳи “Авиатор”-и пойтахт бо ҳисоби 2:1 шикаст дод. Дар дақиқаи 12-ум бози капитани дастаи “Истаравшан” Илҳом Баротов тӯбро ба дарвозаи мизбонон ворид намуда ҳисобро кушод. Голи якуми ғолибонро капитани даста-Дилшод Восиев дар дақиқаи 48-ум аз пеналтӣ ба ҳадаф расонд. Голи ҳалкунандаро бошад, Роберт Жилин, легионери русиягии “Истаравшан”, дар дақиқаи 75-ум ба дарвозаи дастаи худ ворид кард. Дар бозии аввал низ дастаи “Истиқлол” бо ҳамин ҳисоб пирӯз шуда буд.

Бозиҳои аввали даври нимфинали Ҷоми Тоҷикистон-2013 рӯзи 27-уми сентябр миёни дастаҳои “Регар-ТадАЗ” - “Вахш” ва “Равшан” - “Истиқлол” баргузор мегардад. Бозиҳои ҷавобии нимфинал бошад 1-уми октябр барпо хоҳад шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!