Русский  >>  فارسی  >>  Ҷумъа 9 декабр 2016, 14:39

Эҳтимоли “танбеҳ”-и дастаи “Равшан” аз сӯи ФФТ

19 сентябр 2013, 10:37

Федератсияи футболи Тоҷикистон (ФФТ) мегӯяд, сармураббии тими “Равшан”-и Кӯлоб дар бозии ҷавобии даври 1\4-ниҳоии Ҷоми Тоҷикистон-2013 бо дастаи “Парвоз”-и Бобоҷон Ғафуров дастури баргузории мусобиқоти қаҳрамонӣ ва Ҷоми Тоҷикистонро риоя накардааст ва эҳтимол ба ин даста бохти техникӣ дода шавад. Дидори ҷавобии 1\4-ниҳоии Ҷоми Тоҷикистон миёни ин ду даста 18-уми сентябр дар шаҳри Кӯлоб баргузор ва бо пирӯзии “Равшан” (2:1) ба охир расида буд.

Пас аз анҷоми ин бозӣ раҳбарияти бошгоҳи “Парвоз” ба ФФТ эътирози расмӣ навиштаанд. “Бино ба қавли сармураббии “Парвоз” Алиёр Ашӯрмамадов, дар нимаи дувуми бозӣ бозигари 19-солаи “Равшан” Саидхони Амрохонро легионер Гершон Акуффо иваз кард, ки ин мухолифи Дастури мусобиқот мебошад”,-навишта шудааст дар торнамои расмии ФФТ.

Ёдовар мешавем, ахиран Кумитаи иҷроияи Федератсияи футболи Тоҷикистон ба Дастури мусобиқоти қаҳрамонӣ ва Ҷоми Тоҷикистон тағйиру иловаҳо дароварда буд. Дар ҳуҷҷат омадааст, "аз нимаи дувуми мавсим ҳар як бошгоҳ вазифадор аст, ки дар ҳайати ибтидоии даста дар бозиҳои мусобиқоти қаҳрамонӣ дар лигаҳои олӣ ва якум,Ҷоми Тоҷикистон як бозигари то 19-сола (соли таваллудаш на аз 1994 боло)-ро дохил намояд. Ҳамчунин ин бозигарро дар ҷараёни бозӣ танҳо бозигари синну соли 19-сола иваз карда метавонад. Дар мавриди вайрон кардани ин қоида ба бошгоҳ бохти техникӣ бо ҳисоби 0:3 дода мешавад”.

Ба иттилои манбаъ, аризаи шикоятии “Парвоз” дар ҷаласаи наздиктарини Кумитаи назорату ахлоқи ФФТ баррасӣ хоҳад шуд. Агар ба дастаи “Равшан”-и Кӯлоб бохти техники дода шавад, пас дастаи “Парвоз” бо ҳисоби 4:2 ғолиб дониста шуда дар нимфинали Ҷоми Тоҷикистон бо дастаи “Истиқлол”, ки рақиби пурқуввати дастаи “Равшан” аст рақобат хоҳад кард.

Ин итифоқ дар ҳоле рух дода, ки чанде қабл Маъруф Рустамов, сармураббии дастаи “Равшан” пас аз пирӯзии дастааш дар доираи бозиҳои Мусобиқоти қаҳрамонии Тоҷикистон гуфта буд, ки “мо тасмим гирифтаем ва дар назди даста мақсад гузоштаем, ки имсол унвони қаҳрамони Тоҷикистонро ба даст оварда ва ҳам соҳиби Ҷоми Тоҷикистон-2013 мешавем.”


Шарҳи худро бинависед:

Ном:*
E-Mail:
Матни шарҳ:
Посух додан
  • Футболист

  • 19 сентябр 2013 12:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин кор ба назар аз пеш бо маслихати пешаки анчом дода шуда метобад.
Посух додан
  • Хм

  • 19 сентябр 2013 13:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Номарди аз суи душманони Равшан сар шуд.
Посух додан
  • Чи илоч

  • 19 сентябр 2013 13:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар Точикистон варзишро бо сиесат якчоя мекунанд! Кас хайрон мешавад? Хайр хеч гап не! Охир РАВШАНЧОН ЯГОНА БУД, ХАСТ ва ХОХАД МОНД! Ин ВАО-и Точикистон менависад ва боз менависад!!!
Посух додан
  • Мухлис

  • 19 сентябр 2013 21:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Инчо гап сари вао нест гап сари сиёсати дохиллии ффт аст вао кори худро анчом медихад. Истиклоли Рустам, ки дар ду бози аз РАВШАНЧОН шикаст хурд ффт бояд илоч надорад дигар бояд коре кунанд, ки бечора истиклол аз чанги РАВШАНЧОН рахо шавад. Мард он аст, ки зурро эътироф мекунад!
Посух додан
  • Кулоб

  • 20 сентябр 2013 10:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Маъракаи пешазинтихоботи аст кадом душмане хаст ба хамин восита Кулобро бо чаноб БАД МЕКУНАД. Рустам бояд ин корро фикр кунад. Зур зураст. Агар Парвоз он кадар зур мешуд Равшанро шикаст медод. Ин бахона шуда наметавонад. Хушёриро аз даст набояд дод зеро ин метавонад характери сиёси пайдо кунад. Рустам бори дигар хушёр бош, ки мухлисони Равшан зиёд аст.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!