ҲНИТ Кумита, ТВТ, "Сафина" ва "Ҷаҳоннамо"-ро ба додгоҳ кашид
Дар номаи мазкур Кумитаи радио ва телевизиони Тоҷикистон ба унвони ҷавобгар ва шабакаҳои телевизионии “Сафина”, “Шабакаи аввал” ва “Ҷаҳоннамо” ҳамҷавобгар дониста шудаанд. ҲНИТ ин ниҳодҳоро барои “фаъолияти сиёҳкунанда” ба додгоҳ кашида, талаб намудааст, то ба барномаҳои “ташвиқоту тарғибот нисбати ҲНИТ” хотима бахшад. Масъулони ҲНИТ аз барномаҳои зиддинаҳзатӣ шикоят карда, гуфтаанд, “вақтҳои охир бо наздик шудани маъракаи интихоботии президенти Тоҷикистон аз тарафи мақомоти мазкури телевизион ва радиои давлатӣ ташвиқу тарғиботи зидди ҲНИТ ба роҳ монда шудааст, ки ин рафтор ва кирдори онҳо бар хилофи талаботи моддаи 26 ва 28-и Сарқонун мебошад.”
ҲНИТ бо таваҷҷуҳ ба моддаҳои 30-и Қонуни асосӣ, Қонун "Дар бораи телевизион ва радиошунавонӣ”, Қонун “Дар бораи ҳизбҳои сиёсӣ ва Қонун “Дар бораи матбуот ва дигар воситаҳои ахбори омма” аз додгоҳ ду хоҳиш кардааст. Якум ин ки пахши чунин барномаҳо қатъ ва дувум ҷавобгарҳо расман аз ин ҳизби мухолифи кишвар узр пурсанд.
Чанде пештар аз ин, ҲНИТ бо муроҷиати расмие аз худи Кумитаи радио ва телевизион дархост намуда буд, то дар баробари иттиҳому маъракаи таблиғотӣ алайҳи наҳзат барои намояндагони ҳизб низ минбар диҳад. Аммо дар посухи Кумитаи радио ва телевизион ба номи Муҳиддин Кабирӣ, раиси ҲНИТ, ки рӯзи 5-уми август ва зери имзои Саидалӣ Сиддиқов, муовини аввали Асадулло Раҳмонов, раиси ин кумита, ирсол шуда буд, аз ҷумла гуфта мешавад, “шабакаҳои телевизионӣ ба ҳеч ваҷҳ ба пахши иттилои беасос ва таҳқиру туҳмат нисбати ҲНИТ роҳ надодаанд”. Кумита зикр мекунад, агар ҲНИТ гузоришҳои ахир аз ҷамъомадҳо бо иштироки уламо дар навоҳии кишварро дар назар дорад, “дар он ҷо иштирокчиён тибқи ҳуқуқи конститутсиониашон, назари шахсии худро баён намудаанд ва шабакаҳои телевизиону радио тибқи уҳдадориҳои оинномавии худ ба тамошобинону шунавандагонаш аз он иттилоъ додаанд.”
Барномаҳое алайҳи Ҳизби наҳзати исломӣ баъд аз мулоқоти Эмомалӣ Раҳмон, раисиҷумҳури Тоҷикистон, дар рӯзи чоруми июл бо бархе аз рӯҳониёни кишвар пайдо шуданд. Дар ин мулоқот баъзе аз рӯҳониён вуҷуди ҳизб дар дини мубини Исломро рад карда, хостори ҳазфи калимаи Ислом аз номи ҲНИТ гардиданд.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
