Русский  >>  فارسی  >>  Ҷумъа 9 декабр 2016, 10:43

Мухолифи Назарбоев саҳнаи сиёсатро тарк кард

19 сентябр 2013, 17:14

Булат Абилов, раиси Ҳизби сотсиал-демократии “Озод”-и Қазоқистон, яке аз аҳзоби умдаи сиёсии ин кишвар аз саҳнаи сиёсӣ канор рафт.

Раиси Ҳизби “Озод”-и Қазоқистон рӯзи 19-уми сентябр бо пахши як изҳорот аз ин тасмими худ хабар дода, аз афроде, ки аз ӯ дастгирӣ намудаанд, изҳорӣ минатдорӣ намудааст.

Ӯ мегӯяд, як муддат аз сиёсат дур шуда, дар бораи ҳодисаҳои солҳои 1990-2000-и Қазоқистон китобе менависад ва инчунин як чанд лоиҳае дорад, ки мехоҳад, болои онҳо кор кунад.

Ин сиёсатмадори қазоқ гуфтааст, муваққатан канор рафтани ӯ аз саҳнаи сиёсии Қазоқистон, ҳаракати мухолифини ин кишварро заиф нахоҳад сохт: “Ман фикр намекунам, ки ҳаракати мухолифон заиф шавад. Чун ин набояд аз як кас вобастагӣ дошта бошад. Бояд чеҳраҳои нав рӯи саҳна ояд. Бо вуҷуди ин ман муваққатан аз сиёсат даст мекашам.”

Абилов дар ин изҳороти хеш афзудааст, ки шуруъ аз солҳои 2000-ум ман яқинан мефаҳмидам, ки дар тиҷорат ва ҳам дар мамлакат таназзули иқтисодӣ эҳсос мегардад, тағйирот, бахусус тағйири ҳукумат, муборизаи воқеӣ бо фасод, шароити хуби сармоягузорӣ, озодии сухан ва интихоботи шаффоф ногузир буд. Ман ба сиёсат рафтам ва ҳаёти ман ба куллӣ тағйир ёфт".


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!