Русский  >>  فارسی  >>  Шанбе 10 декабр 2016, 17:41

Узбакистон Манучеҳрро баъд аз 3 моҳи боздошт ба Тоҷикистон дод

20 сентябр 2013, 10:40

Манучеҳр Бӯриев, як сокини навраси Панҷакент, ки се моҳи пеш аз тарафи марзбонҳои Узбакистон рабуда шуда, дар боздоштгоҳи Тошканд нигаҳдорӣ мешуд, ба Хуҷанд интиқол ёфтааст. Вай ҳоло дар қабулгоҳи Раёсати умури дохилии вилояти Суғд дар Хуҷанд нигаҳдорӣ мешавад.

Манучеҳр дар як тамоси кӯтоҳ бо “Озодагон” гуфт, ҳоло сиҳҳату саломат аст ва аз он ки ба Ватан бозгашт, хушҳол мебошад. Вай бисёр мехоҳад, ҳарчи зудтар ба назди модаркалону хонаводааш ба шаҳри Панҷакент баргардад.

Як масъули Раёсати умури дохилии вилояти Суғд мегӯяд, Манучеҳр Бӯриевро рӯзи 19-уми сентябри соли ҷорӣ аз Бекобод, марзи миёни Тоҷикистону Узбакистон, гирифтаанд. Ӯ гуфт, қарор аст, хонаводаи Манучеҳр ба Хуҷанд омада, бо нишон додани асноди зарурӣ ӯро аз Раёсати умури дохилӣ дарёфт кунанд.

Дар ҳамин ҳол, Носиҷӯ Эшмуродова, модаркалони Манучеҳри хурдсол мегӯяд, аз шунидани ин хабар хушнуд аст. “Ба мо дар ин бора субҳи 20-уми сентябр занг зада огоҳ карданд”,-гуфт ӯ. Эшмуродова афзуд, акнун талошашонро хоҳанд кард, то ҳамсарашро, ки ӯ ҳам се моҳи қабл боздошт шуда, дар вилояти Қаршии Узбакистон нигаҳдорӣ мешуду дар оғози моҳи сентябр ҷарроҳӣ гардид, озод кунанд.

Ёдрас мекунем, 10-уми июни соли ҷорӣ дар ҷамоати Фароби Панҷакент аскарони узбак 5 тан, аз ҷумла Манучеҳр Бӯриеви ноболиғ, Мардон Бӯриев ва писаронаш -- Сулаймон Бӯриев, Исрофил Билолов ва Шоҳрух Қосимовро аз сари замини кишт боздошт карда, ба Узбакистон бурданд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!