Русский  >>  فارسی  >>  Ҷумъа 9 декабр 2016, 01:01

Қадами дигар дар роҳи оҳани Туркманистон-Афғонистон-Тоҷикистон

20 сентябр 2013, 11:56

Корҳои омодагӣ барои таҳияи асоснокии техникӣ-иқтисодии қисмати афғонии роҳи оҳани Туркманистон-Афғонистон-Тоҷикистон ба поён расидаанд ва дар назар аст, ки ояндаи наздик музояда барои гузарондани асоснокии лоиҳа эълон шавад.

Дар ин бора ба хабаргузориҳо Аҳмадшоҳ Воҳид, ноиби вазири корҳои ҷамъиятии Афғонистон хабар дода, таъкид намудааст, ки ин роҳ аз ҷумла лоиҳаҳои бузургтарини минтақа хоҳад буд.

Аҳмадшоҳи Воҳид афзудааст, ки қисмати афғонистонии ин роҳ 355 километрро ташкил дода, арзиши пешакии он 350 миллион доллари амрикоӣ арзёбӣ мешавад: “Маблағгузории қисмати афғонистонии роҳро Бонки исломии рушд ба уҳда гирифтааст.”

Маросими ифтитоҳи расмии сохтмони роҳи оҳани Туркманистон-Афғонистон-Тоҷикистон 5-уми июни соли равон бо ҳузури раҳбарони ин се кишвар, Қурбонқулӣ Бердимуҳаммадов, Ҳомид Карзай ва Эмомалӣ Раҳмон дар вилояти Лабиоби Туркманистон баргузор гардид.

Ташаббускори ин тарҳ Эмомалӣ Раҳмон буда, Қурбонгулӣ Бердимуҳаммадов, раисиҷумҳури Туркманистон низ аз лоиҳаи роҳи оҳани Тоҷикистон-Афғонистон-Туркманистон дастгирӣ карда буд. Ба гуфтаи Бердимуҳаммедов ин лоиҳа рушди иқтисодию иҷтимоии Афғонистонро такон дода, инфрасохтори нақлиётии минтақаро густариш медиҳад.

Айни ҳол Тоҷикистонро бо кишварҳои хориҷ, роҳи оҳан тавассути қаламрави Узбакистон мепайвандад ва Тошканд зимни ҳамлу нақли бор тавасссути он пайваста монеаҳо эҷод мекунад.


Шарҳи худро бинависед:

Ном:*
E-Mail:
Матни шарҳ:
Посух додан
  • Тоҷик аз мулки Ғариб

  • 20 сентябр 2013 15:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
"Ташаббускори ин тарҳ Эмомалӣ Раҳмон буда....." Худо падару модаратро раҳмат кунад муҳтарам сарвари Тоҷикон барои ин ташаббуси ҳайотан муҳими минтақавӣ.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!