Русский  >>  فارسی  >>  Чоршанбе 7 декабр 2016, 19:24

Узбакҳо аз тоҷикон дида, бештар ба Русия мерафтаанд

23 сентябр 2013, 11:06

Аз кишварҳои Осиёи Марказӣ аз ҳама бештар шаҳрвандони Узбакистон барои муҳоҷирати меҳнатӣ ба Русия сафар мекунанд.

Хадамоти федералии муҳоҷирати Русия омори дақиқи муҳоҷирони кориро, ки ҳоло дар ин кишвар ба сар мебаранд, нашр кардааст. Ин хадамот мегӯяд, миёни муҳоҷирони кории Русия мардуми узбак пешсаф буда, айни замон 2 миллиону 734 ҳазору 484 нафар шаҳрвандони Узбакистон дар ин кишвар ба кор машғул будаанд, ки аз ин нишондод, 2, 285,774 нафар мард ва 448,710 зан мебошад.

Тибқи омори мазкур, шаҳрвандони Тоҷикистон дар ин раддабандӣ дар мақоми дуюм қарор дошта, ҳоло ҳудуди 1 миллиону 230 ҳазор тоҷик дар ин кишвар мебошад.

Қазоқистон ва Қирғизистон дар ин феҳрист батартиб дар мақоми сеюм ва чаҳорум қарор дошта, аз аввали 602 ҳазору 241 нафар ва дуюмӣ 576,241 нафар шаҳрвандонашон барои муҳоҷирати меҳнатӣ ба Русия сафар кардаанд.

Аз миёни шаҳрвандони кишварҳои Осиёи Марказӣ, аз ҳама кам туркманҳо барои ҷои кор ба Русия мерафтаанд. Ба гуфтаи Хадамоти федералии муҳоҷирати Русия ҳоло 22 ҳазору 952 нафар шаҳрванди Туркманистон дар ин кишвар мебошанд.


Узбакҳо аз тоҷикон дида, бештар ба Русия мерафтаанд


Шарҳи худро бинависед:

Ном:*
E-Mail:
Матни шарҳ:
Посух додан
  • Салим

  • 25 сентябр 2013 09:56
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин маънии онро надорад,ки иктисодиёти Точикистон болотар аст.ва проблемаи мухочиратро ба назар нагиранд.Ахолии Узбакистон кариб 30 000 000.Точикистон 8 000 000.Агар ахолии Точикистон хам ба мисли Узбакистон мебуд,шумораи мухочирон кариб ки ба 5 000 000 мерасид.Аз хама мухим ин ки дар калимаи ГАСТАРБАЙТЕР факат ТОЧИК-ро мебинанд.Барои чи НАША РАША ,Равшану Чамшодро аз Точикистон гуфта шарманда карданд?Аз БЕСОХИБИИ МИЛЛАТ истифода карданд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!