Русский  >>  فارسی  >>  Ҷумъа 9 декабр 2016, 14:34

Боз як номаи Эмомалӣ Раҳмон ба Шоҳи Арабистони Саудӣ

23 сентябр 2013, 12:45

Эмомалӣ Раҳмон, раисиҷумҳури Тоҷикистон, ба Абдуллоҳ ибни Абдулазиз оли Сауд -- подшоҳи Шоҳигарии Арабистони Саудӣ нома фиристода, ӯро ба Иди миллияшон табрик гуфтааст.

Дар ин номаи оқои Раҳмон гуфта шудааст, ки “Аълоҳазрат, Ходими ҳарамайни шарифайн. Мояи сарфарозист, ки Шуморо ба муносибати фарорасии иди миллии Шоҳигарии Арабистони Саудӣ самимона табрик гуфта, бароятон тансиҳатию саломатӣ, комёбӣ ва ба мардуми ба мо бародари Арабистони Саудӣ рушду пешрафти бардавом орзу намоям.”

Дар идома аз нақши пешвоёнаи Шоҳи Саудӣ “дар эҷоди муколамаи мутамиддини созанда ва ҳамкории самарабахш байни давлатҳо ва миллатҳо” низ тавсиф шудааст. Эмомалӣ Раҳмон дар номаи худ гуфтааст, “мо ба дурнамои рушди муносибатҳои ҳамкории дуҷониба байни кишварҳоямон, ки дар маърази таваҷҷуҳи Шумо қарор доранд, бо назари нек менигарем.”

“Мутмаинем, ки ин равобити умедбахш манфиатҳо ва ормонҳои муштараки моро баҳри рифоҳу шукуфоии бештар таҷассум менамоянд”,-таъкид шудааст дар барқияи табрикии Эмомалӣ Раҳмон.

Ин дар ҳолест, ки Эмомалӣ Раҳмон, раисиҷумҳури Тоҷикистон чанд ҳафта қабл аз сафари зоирини тоҷик ба зиёрати Хонаи Худо низ бо ирсоли як номаи расмӣ аз Шоҳи Арабистонӣ Саудӣ хоста буд, теъдоди квотаро барои ҳоҷиёни тоҷик афзоиш диҳад. Аммо Шоҳи Арабистонӣ Саудӣ ба номаи Эмомалӣ Раҳмон дар ин маврид посухи манфӣ дода буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!