Русский  >>  فارسی  >>  Шанбе 3 декабр 2016, 09:44

Шӯрои Маҷлиси Намояндагон созишномаи пойгоҳи 201-ро ба баррасӣ гирифт

23 сентябр 2013, 14:30

Шӯрои Маҷлиси Намояндагон, палатаи поёнии парлумони Тоҷикистон, рӯзи 23-юми сентябр тарҳи созишномаи будубоши низомиёни пойгоҳи 201-и Русияро ба баррасӣ гирифтааст. Ин тарҳи созишнома моҳи октябри соли гузашта аз сӯи Эмомалӣ Раҳмон ва Владимир Путин дар Душанбе имзо шуда ва дар сурати тасвибаш ҳузури низомиёни русро то соли 2042 дар Тоҷикистон таъмин хоҳад кард.

Тарҳи созишномаи будубоши низомиёни рус рӯзи 18-уми сентябри соли ҷорӣ аз тарафи Эмомалӣ Раҳмон, раисиҷумҳури Тоҷикистон, барои тасвиб ба парлумони кишвар фиристода шуда буд. Шӯрои Маҷлиси Намояндагон қарор кардааст, ки ин тарҳи созишномаи миёни Душанбеву Маскав рӯзи якуми октябри соли ҷорӣ, дуруст, рӯзи оғози кори вакилони парлумон, баррасӣ хоҳад шуд.

Пойгоҳи 201-и Русия бо тақрибан 7 ҳазор сарбозу афсар бузургтарин пойгоҳи низомии ин кишвар дар хориҷ дониста мешавад. Бар пояи созишномае, ки ҳамакнун барои тасдиқ ба парлумони Тоҷикистон ироа шудааст, замони ҳузури ин пойгоҳ ба камияш то соли 2042 тамдид хоҳад шуд.


Шарҳи худро бинависед:

Ном:*
E-Mail:
Матни шарҳ:
Посух додан
  • Комрон

  • 24 сентябр 2013 06:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шӯрои Маҷлиси Намояндагон созишномаи пойгоҳи 201-ро хохад ё нахохад тасвиб мекунад. Чун ки чаноби олишон бо чаноби путин барои аз даст нарафтани курси ваъдаи тасвиби созишномаро додааст.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!