Русский  >>  فارسی  >>  Панҷшанбе 8 декабр 2016, 16:58

Шоҳидии раиси ширкати “Ваbilon” дар бораи Зайд Саидов

23 сентябр 2013, 16:06

Дар мурофиаи додгоҳии Зайд Саидов, соҳибкор ва раҳбари боздоштшудаи “Тоҷикистони нав”, то рӯзи 26-уми сентябри соли ҷорӣ таннафус эълон шудааст. Ин тасмимро рӯзи 23-юми сентябр додраси парванда бо даъвати айбдоркунандаи давлатӣ “барои омӯзиши ҷузъиёти бештари парванда” гирифтааст.

Шӯҳрат Қудратов, яке аз се вакили мудофеи Зайд Саидов, ба “Озодагон” гуфт, дар мурофиаи рӯзи 23-юми сентябр се нафар ба ҳайси шоҳид бозпурсӣ шудаанд, ки Беҳзод Файзуллоев – раиси ширкати Babilon яке аз онҳо будааст. “Беҳзод Файзуллоев дар робита ба моддаи марбут ба корхонаи “Тоҷикатлас” шоҳидӣ дод. Ҷузъиёти мурофиа ба далели мӯҳри махфӣ доштани парванда ифшо карда намешавад”,-гуфт Қудратов.

Мурофиаи Зайд Саидов рӯзи 12-уми сентябри соли ҷорӣ шурӯъ шуда, то кунун ашхосе ба монанди Низомхон Ҷӯраев, раиси корхонаи кимиёи Исфара; Сериқбол Окушев, соҳибкори қазоқ ва Далер Бобоев шоҳидӣ додаанд.

Зайд Саидов, соҳибкори шинохта ва раҳбари гуруҳи ташаббускори ҳизби “Тоҷикистони нав”, баъд аз эълони тасмимаш барои таъсиси ҳизби Тоҷикистони нав субҳи 19-уми майи соли ҷорӣ боздошт шуд. Мақомот ӯро дар порагирӣ, қаллобӣ, тамаъҷӯӣ, таҷовуз ба номус, бисёрзанӣ, алоқаи ҷинсӣ бо ноболиғ ва водор намудан ба исқоти ҳамл муттаҳам медонанд. Иттиҳомоте, ки Зайд Саидов ҳам дара ҷараёни тафтиши парванда ва ҳам дар толори додгоҳ тамоми онро рад кардааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!