Русский  >>  فارسی  >>  Чоршанбе 7 декабр 2016, 17:29

«Лона»-и бомжҳо дар наздикии Қасри президент ва Вазорати дифоъ (АКС)

24 сентябр 2013, 10:13

Бештар аз як моҳ аст, ки истгоҳе дар наздикии Вазорати дифои Тоҷикистонро як гуруҳ бомжҳо ё афроди бехонаву дар макони худ қарор додаанд. Онҳо зоҳиран дар он ҷо шабро рӯз кардаву субҳи барвақт ба ҷои дигар мераванд ва шомгоҳон дубора ба “макони зисти худ” бармегарданд.

Баъзе аз роҳгузарон мегӯянд, ҳоло ин истгоҳ ба як маҳалли бадбӯй ва ахлотҷой табдил ёфтааст. Сабрина, як духтари ҷавон, мегӯяд, ҳар субҳ маҷбур аст, барои кор рафтан аз ин роҳ бигузарад. “Мо бо бомжҳо мушкиле надорем. Онҳо низ одаманд. Вале гап сари он аст, ки ё мақомот онҳоро аз маркази шаҳр бигиранд ва ё дар маҳалли дигар барояшон ҷой диҳанд. Истгоҳе, ки ҳоло инҳо меистанд, дар миёни Фурушгоҳи марказӣ, Вазорати дифоъ ва Театри Маяковскию наздикии Қасри президент ҷой гирифтааст. Магар ҷои шарм нест, ки як истгоҳи марказиро мо ба як ҷои бадбӯ табдил додаем?”,-гуфт ӯ.

Худи бомжҳо баробари дидани мо канор рафта, аслан суҳбат кардан нахостанд. Аммо яке аз онҳо дар ҳолати қаҳру ғазаб гуфт, дигар ҷои рафтан надоранд ва мо мехоҳем онҳоро аз ин ҷо ҳам пеш кунем. Мақомот то ҳол дар ин замина чизе нагуфта, ҳатто баъзеяшон аз ин вазъ изҳори беиттилоӣ мекунанд.

Хабарнигори “Озодагон” чанд аксе аз ин истгоҳу бомжҳо бардоштааст, ки дар ихтиёри Шумо мегузорем.


«Лона»-и бомжҳо дар наздикии Қасри президент ва Вазорати дифоъ (АКС)

«Лона»-и бомжҳо дар наздикии Қасри президент ва Вазорати дифоъ (АКС)

«Лона»-и бомжҳо дар наздикии Қасри президент ва Вазорати дифоъ (АКС)


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Алон гузоришро хондаму дусти наздикам ба ёдам омад, ки мутассифона ба хамин одати овораги(бомжи) гирифтор аст. Албатта ин оворагон на аз руи зиндагии хуб ба ин хол мерасанд- набудани чои кор, чои истикомат, бепарасторию фартути, вале дар миёни инхо кам нестанд нафароне, ки имконияти бехтар кардани зиндагиашонро доранду, аммо ба ин тарзи зиндаги одат кардаанд. Худоё бошад, ки ин дусти бомжнамои мо, ки чанд мох кабл ба бемории "Зукоми мург" гирифтор шуда буд, шифо ёбаду аз ин холати сангин(яъне бомжи) барояд. Ба хар хол умед ба неки мебандем - поёни шаби сиях афед аст.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!