Русский  >>  فارسی  >>  Якшанбе 11 декабр 2016, 13:00

Далер Шарифов ба Мулло Ҳайдар: “Фаромӯш накунед, дар асри 21-ем!”

24 сентябр 2013, 11:29

Дар кишваре, ки 99 фисад мардуми мусалмон зиндагӣ мекунад, бештари рӯҳониён вазифаи аслии худро фаромӯш карда, даст ба мавзӯъҳое мезананд, ки ҳайрати кас меояд.

Ба ҷои он ки аз фаризаҳои илоҳӣ, ба монанди ҳиҷоб, таълими Қуръон, ибодат дар масҷид, муомилоти зиндагӣ тибқи шариат ва даҳҳо мавзӯъҳое ки имрӯз дар Тоҷикистон мувоҷеҳи мушкиланд, пуштибонӣ кунанд, андешаҳоеро тариқи матбуот аз онҳо мехонем ё мешунавем, ки хандаовар аст.

Чанде пештар Мулло Ҳайдар (Шарифов) аз руҳониёни шинохта дар минтақаи Кӯлоб дар «Asia-Plus» гуфта, ки ҳар кас дар интихоботи президентии моҳи ноябри соли ҷорӣ ба Эмомалӣ Раҳмон овоз надиҳад «ҷинояте зидди давлат ва миллат» содир кардааст. Чанде сабр кардам, ки ягон шахси огоҳ ба эшон посухе бидиҳад ва бифаҳмонад ки домуллои «муҳтарам» ин андешаатон ғалат аст. Аммо чунин нашуд.

Домуллои «муҳтарам» ман ба ин кор надорам, ки андешаҳои Шумо хилофи Сарқонун ва тамоми арзишҳои демкократисту ба кадом бандҳои қонун мухолифат мекунад. Бигзор, инро ҳуқуқдонҳо ва мардуми Тоҷикистон, ки ҳаққи ширкат дар интихоботро доранд, ба шумо бифаҳмонанд. Домуллои «муҳтарам» агар овоз надодан ба Эмомалӣ Раҳмон «ҷинояте зидди давлат ва миллат» бошад, бояд пас аз интихобот онҳоеро, ки ба Эмомалӣ Раҳмон овоз надодаанд, ҳамаашонро дохили зиндон кард, чаро ки ҷиноят зидди давлату миллат амали нобахшиданист.

Ба маълумоти Шумо Ёқуб Салимов ва Ғаффор Мирзоев ба хотири ҷиноят зидди давлату миллат яке понздаҳ сол ва дигарӣ як умр ба ҳабс маҳкум шуданд. Аз ин хотир баъди хондани Чоркитобу Мухтасар кам-кам қонунҳои кишварро мутолиа кунед. Шумо ҳамчун домулло ва рӯҳонӣ бояд бидонед, ки тибқи шариати Ислом ҳар шахс ҳаққи интихоби зиндагии арзанда ва шоистаро дорад. Ва ӯ ҳақ дорад аз «улуламр»-и ғайришаръӣ итоат накунад ё ба ӯ раъйи худро надиҳад ё баръакс аз роҳбаре, ки тамоми хостаҳои динӣ ва дунявиашро бароварда мекунад, пуштибонӣ ва итоат намояд. Ин мавзӯъ дар дини муқаддаси Ислом хеле муҳим аст. Чаро ки Ислом дини диктаторӣ ё диктаторҳо нест. Домулло, Шумо агар хонда бошед хоҳиш мекунам ба хотиратон биёред замонеро ки паёмбари бузурги Ислом ҳангоме ки аз дунё гузаштанд, ҷонишин ё роҳбари ояндаи хилофатро таъин накарданд ва онро ба худи саҳобагон гузоштанд, то тариқи интихобот онҳо роҳбари ояндаи худро интихоб кунанд.

Ҳамин тариқ, чаҳор халифаи бузург ва минбаъда дар Ислом на ба тариқи дуздии овозҳо ё фишору хиёнатҳо, балки тариқи интихоботи озоду шаффоф яке паси ҳамдигар роҳбар таъин шуданд. Хусусан ҳангоми интихоби ҳазрати Усмон ва ҳазрати Алӣ, ки ҳардуяшон дар мақому мартаба ва илму дониш ва тақво қариб баробар буданд интихобот ҳамин хел сурат гирифт, ки бо шоҳидии се саҳоба хона ба хона гашта ба тарафдории ин ду нафар овоз ҷамъ карданд ва яке аз инҳо дар интихобот, яъне ҳазрати Усмон ғолиб омад ва ҳазрати Алӣ омада, бо ӯ байъат кард ва ӯро ба мақоми хилофат табрик намуд.

Домулло медонед, ки ин воқеа дар дини Ислом 1400 сол пеш сурат гирифта буд ва алъон мо дар асри 21 қарор дорему мардумро маҷбур мекунем ба тарафдории касе овоз диҳанд ва овоз надоданашонро ба номзади мавриди худ ҷиноят ҳисоб мекунем. Шумо, ки саллаву ҷелак ва номи муллоӣ доред, аз номи Ислом баромад мекунед ва то ба имрӯз зиндагиатон пушти номи Ислом аст бояд мардумро аз ахлоқу аҳком ва ҷавонмардиҳои саҳобагон раҳнамоӣ кунед. Давлатдории боадолатонаи Умарро барояшон қисса кунед.

Ба мардум бифаҳмонед, ки Абубакр, Умар, Усмон ва Алӣ бо либосҳои дарбеҳшудаву шиками гурусна ба мардум хизмат мекарданд. Онҳо хилофатро авлодӣ накардаву тамоми тиҷорату саноату зиндагиро монополия накарда буданд. Ва ҳамин буд, ки то Испания хилофаташон тӯл мекашид. Шумо, ки пеши Худо аз ҳар авоме дида масъулияти бештареро доред ва фардо аз ин ҳама масъулият пурсида хоҳед шуд. Аз ин хотир ҳамчун як мусалмони Тоҷикистон аз шумо хоҳиш дорам, ки ба ҳар чӣ назар медиҳед, як бор онро дар тарозуи ақл санҷед. Шумо, ки намояндагӣ аз дини муқадаси Ислом мекунед, бештар кӯшиш кунед, ки мушкилиҳои мардуми мусалмон рафъ гардад. Агар ба ҷуз мулло будан вазифаи дигаре ҳам доред, пас, инаш ҳавола ба худатон, ман ҷуз мулло Шуморо каси дигар намешиносам.

Бигзор мардуми Тоҷикистон касеро ки худашон салоҳ медонанд, интихоб кунанд. Ману Шумо домулои «муҳтарам» ва ҳеч нафари дигар ҳақ надорад ба ҳуқуқи мардум дахолат кунад. Ҳама чиз маълум аст ва мардум худашон медонанд, ки ба кӣ овоз диҳанд. Вазифаи аслии Шумо домулло ин аст, ки ба мардум ва мансабдорон ҳалолхурӣ, хиёнат накардан дар мансаб, надуздидани овозҳои мардум ва риояи ҳаққу ҳуқуқи мардумро фаҳмондан мебошад. Тағйир додани ҳолу аҳволамонро Худованд бар дӯши худамон вогузор кардааст.

Домуллои «муҳтарам» Худованд мефармояд, «Худованд ҳоли ҳеч қавмеро тағйир намедиҳад, то вақте онон он чӣ дар дилҳояшон доранд, тағйир диҳанд» (сураи Раъд, ояти 11). Пас, бояд ба хотири пешрафт ва саодатмандии мусалмонон ва миллати шарафманди тоҷик дилҳоямонро ва андешаҳоямонро тағйир бидиҳем, на ба хотири кадом манфиатаке шахсиятпарастӣ кунему аз пинҳон кардани ҳақиқат ва нодида гирифтани масъалаҳои муҳим даст бикашем.

Далер ШАРИФОВ,
журналист

PS: Ин навишта назари шахсии муаллиф аст


Шарҳи худро бинависед:

Ном:*
E-Mail:
Матни шарҳ:
Посух додан
  • Салим

  • 24 сентябр 2013 11:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
тенчи аст Далербой ба маслихати муллохо пардохти ..
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
МЕТАРСУМ ХАМИ БАЧАХАКА БО ДАР ЯГОН КУНЧИ ТОРИКИ ШАЛЛОК МЕКУНАНД. ШАТТАХУРИ ХАМ ОДАТ МЕШУДААСТ ДАААААААААААА.
Посух додан
  • мухочир

  • 24 сентябр 2013 11:56
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Инхо муллохои зархариданд дурусттараш дарбори.
Посух додан
  • Карим

  • 24 сентябр 2013 12:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Далет ту худата журналист мегири кани кори касбии ту??Вакили дифоъи нахзатихо шуда гаштайи, хамон кадар пули бачоии Нуриву Турачонзода ширин бошад, хамон кадар сиёсатхои ширини Рахмон хам ба Шарифов ширин аст..Ту дар Сафина як барномаи фач дошти ва ба хотири карией худат буд он вакт ба муллохо чавоб мегуфти на дар бораи сиёсати хару саг имруз ки ронда шуду тахлилгарам шуди...Чура хамон хакорате ки нисбати Домулло Хикматулло карди ботил буд, устод дар ягончо ин калимаро нагуфта буд аммо ба шумо кадом нахзати радикал инро расонд ва ту гуфти...устод хабар ёфт, аммо гуфт гуфтан гирад мо дар он вохури убдем умуман хостанд аз дахони устодхадди акал калимаи нахзат ё хизби исломи барояд набаромад.ба чойи офарин гуфтан ту фачу луч навишти...дар точикистон мавзуи журналисти нест....??
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хазор рахмат ва Худованди Муттаъол дар номаи аъмолат нависта кунад ин кори хайратро ..падарта худованд рахмат кунад ба ин чавоби муносибу пур мазмунат ба ин мулло!!!
Посух додан
  • Haker

  • 24 сентябр 2013 12:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин бародар Далер, неки и муллора 1:0 зади чурачон, кандата зан.
Посух додан
  • diktator

  • 24 сентябр 2013 12:40
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Charo domullo intur nanavishted «domullo». Charo ki chunin afrod arzandai nomi mullo nestand chi rasad Ba domullo.
Посух додан
  • Точикбача

  • 24 сентябр 2013 12:40
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом алайкум!

Хуш ба холи бародари гаюру азизу гиромии мо Далер. Мо мушкил сари хамин дорем ки имруз ришдору муллохои чамъияти имруза дини азизи мора фурухта дуне чамъ доранд ва моро бадном кардиянд ва имруз ман риш дораму рухан азоб мекашам аз гаправии мардум холо он, ки агар хакикатро мехохед биёед як гурухро аз нафархои кордидаю шинохтаи мусалмон дар асоси конун чамъ карда бо ичозати хукумат мо низ аз пушти коркунхои хукумат сабтхои видеои кунем бад аз он дар телевизор дар намоиш мегузорем пас мардум фахманд донанд ки кӣ хиёнаткору зинокору горатгар хаст
Посух додан
  • Husen

  • 24 сентябр 2013 13:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Далер братанчон шери нари , кандта бза чихеле меган ахсан .
Посух додан
  • мухочир

  • 24 сентябр 2013 13:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Саломат бош афсуз мардуми мо бесаводтаьрин халкам аз хамйи чиз кафон
Посух додан
  • Ватандуст.

  • 24 сентябр 2013 13:05
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин муллохои хукумати ба фардои киематат бовар надоранд.худоро монда раиса ситоиш мекунанд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мо акнун дарк кардем, ки ту дониши комил дорию мехохи худро ситора нишон дихи! Ба фикрам туро хамин мухолифон ба худ чаолб кардаю ягон вазифаат ваъда кардаанд. Агар фаромуш карда боши, ба хотир биёр, ки ту (носипос) дар даврони хукумронии хамин шахси бузург тахсил карди, илми омухти, чехра худатро ба мардум нишон доди ва хадал имкон бахскарданро ёд гирифти! Имруз ба дустдорони ин давлати сохибитсиклол акл нишон медихи. Хама бузургон медонанд, ки барои тамоми маколахои чоп гашта албатта чавоб ёфт мешавад, вале аз чавоби бар зидди сулху пойдории ин давлат худдори менамоянд. Агар ба олими расида боши ба манфиати мардум кор кун на ба зарари онхо, чунки подоши хар кас мувофики амали уст. Боки эхтиёт ними хаёт гуфтаанд бузургон! Албатта на ба хотири тарс, балки ба хотири рушди минбаъдаат!
Посух додан
  • Шогирди Хайдар

  • 24 сентябр 2013 13:14
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин «мулло» сарзовори он нест, ки ба акидахои пучаш радия навишт.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
САВОЛ БА МУЛО ХАЙДАР? КАСАМ БА НОМИ ХУДО ГУЕД, КИ ХАНГОМИ АЗ АТЕСТАТСИЯ ГУЗАРОНИДАНИ ИМОМ ХАТИБОНИ МИНТАКАИ КУЛОБ АЗ 54 МАСЧИД БЕШ АЗ САД СОМОНИ ЧАМЪ НАКАРДЕД?! БАРОИ ЧИ ВА ДАР КАДОМ АСОС БУД?! КИ ИНРО ЧИНОЯТ НАХИСОБИДЕД ВА Ё ИН ЧИНОЯТ НАБУД? БОЗ ШАРМ НАКАРДА АЗ МИНБАРИ ИСЛОМ АЗ ЧИНОЯТ СУХБАТ МЕКУНЕД ВА МЕГУЕД: "ҳар кас дар интихоботи президентии моҳи ноябри соли ҷорӣ ба Эмомалӣ Раҳмон овоз надиҳад «ҷинояте зидди давлат ва миллат» содир кардааст". ОЁ ПУЛ ЧАМКАРДАН ГАЙРИ КОНУНИ АЗ МАРДУМ ХАЛОЛ АСТ?!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худованд хамаро тавфику инсоф дихад вагарна то охири умрамон хаминхел дар гариби мурда меравем. Ман нафахмтдам демократя шудан гунох ва хиёнат бар миллат бошад. Агар инхел бошад пас интихобот гузаронидан хам хиёнат ба миллат мебошад.
Ба қафо | Ба пеш

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!