Русский  >>  فارسی  >>  Сешанбе 6 декабр 2016, 07:47

Баҳси бозори бимаи Тоҷикистон дар мулоқоти Ширинов бо Касеро

24 сентябр 2013, 15:31

Имрӯз, 24 сентябр, раиси Бонки миллии Тоҷикистон Абдуҷаббор Ширинов бо ҳайати Бонки ҷаҳонӣ таҳти роҳбарии Палома Анос Касеро масъалаи ҳамкориро дар бахши назорати бонкӣ ва бозори молиявӣ баррасӣ кардаанд.

Тавре Хадамоти матбуоти Бонки миллӣ мегӯяд, ҷонибҳо аз ҷумла инкишоф ва назорати бозори суғуртаро баррасӣ кардаанд.
Ин дар ҳолест, ки бозори суғурта дар Тоҷикистон ояндадор арзёбӣ мешавад. Аз ҷумла дар гузориши ахир, зери унвони “Тадқиқот ва бозорҳо”, ки як манбаи муътамади иттилооти иқтисодӣ дар ҷаҳон ба ҳисоб меравад, омодааст, “ҳаҷми бозори суғуртаи Тоҷикистон ҳамасола, аз 2008 то 2012-ум ба ҳисоби миёна 18,4 дарсад афзоиш ёфтааст, вале дар маҷмуъ ҳанӯз ҳам заиф аст ва дар соли 2012 ҳамагӣ 0,34 дарсади маҷмӯи маҳсулоти дохилиро дар бар гирифтааст. “

Дар гузориш, ки дурнамои рушди бозори суғурта дар Тоҷикистон то соли 2017 таҳлил шудааст, пешбинӣ мешавад, ки ин бахш дар кишвар рушд хоҳад кард. Ба навиштаи гузороришгарон узвият дар СҶТ, беҳбуди фазои сармоягузорӣ, тавлиди маҳсулоти нав барои рушди суғурта мусоидат хоҳад кард.

Дар қатори монеаҳои рушди суғурта таҳлилгарон ҳамоно сатҳи баланди камбизоатӣ ва ба замони муосир мувофиқ набудани қонунгузории Тоҷикистон дар бахши суғуртаро номбар мекунад.

Гузоришгарон бо такя ба Вазорати молияи Тоҷикистон хабар медиҳанд, ки ба ҳолати аввали соли 2012 дар кишвар 16 ширкати суғуртавӣ фаъолият мекунанд. Ин ширкатҳо хидматрасониҳои гуногун аз суғуртаи молу амвол то саломатӣ ва ҳаётро пешниҳод мекунанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!