Русский  >>  فارسی  >>  Чоршанбе 7 декабр 2016, 15:38

Сафари серӯзаи Эмомалӣ Раҳмон ба Рашт

25 сентябр 2013, 09:39

Эмомалӣ Раҳмон, раисиҷумҳури Тоҷикистон, субҳи 25-уми сентябри соли ҷорӣ бо як сафари корӣ ба минтақаи Рашт рафтааст.

Абдулфаттоҳ Шарифзода, сухангӯи раисиҷумҳури Тоҷикистон, ба “Озодагон” гуфт, оқои Раҳмон дар оғози сафараш бинои нави хобгоҳ барои 200 тарбиятгирандаи мактаб-интернати ҷумҳуриявӣ дар шаҳраки Навободро ифтитоҳ намудааст. “Дар мактаб-интернат 250 тарбиятгиранда ҳастанд, ки аз ин теъдод 145 нафарашон ё бе падар ва ё бе модар буда, шаш нафарашон ятим ҳастанд”,-гуфт ӯ.

Ба қавли Шарифзода, “тамоми ятимон ва кӯдакон аз оилаҳои камбизоат бо тӯҳфаҳои президент бо сару либос ва маводи хониш таъмин гаштанд. Ин хобгоҳ бо маблағи 1 миллион сомонӣ бунёд ёфтааст, ки онро “Тоҷиксодиротбонк” маблағгузорӣ намудааст.”

Инчунин раисиҷумҳури Тоҷикистон дар ҷамоати шаҳраки Навобод бинои нави шўъбаи корҳои дохилӣ дар минтақаи Раштро мавриди истифода қарор дода, аз қисми низомии 051062-и Гвардияи миллии Тоҷикистон дар шаҳраки Навобод боздид кардааст. Ба иттилои Шарифзода раисиҷумҳури Тоҷикистон зимни суҳбати озоду самимӣ афсарону сарбозонро ба хизмати содиқонаи халқу Ватан даъват намуд.

Ба қавли Абдулфаттоҳ Шарифзода, ин сафари Эмомалӣ Раҳмон ба минтақаи Рашт тӯли се рӯз идома карда, раисиҷумҳур аз навоҳии Тоҷикобод, Ҷиргатол ва Нурободу Тавилдара боздид хоҳад намуд.


Шарҳи худро бинависед:

Ном:*
E-Mail:
Матни шарҳ:
Посух додан
  • Сафар

  • 25 сентябр 2013 12:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ачоиб чизо менависен да. О Мирзохуча худуш кияй ки президент барои сухбат даъватш кна? Хамихел навистен ки как будто кати президент статусшон баробарай.
Посух додан
  • ЧАМОЛ ПАНЧ

  • 25 сентябр 2013 14:50
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ЧАРО ЧАНОБИ ОЛИ ЯГОН МАРОТИБА БА ПАНЧ НАМЕОЯД?????
Посух додан
  • карим

  • 25 сентябр 2013 15:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бародар Сафар як савол шумоба хаму президентат пеш худаш ки буд? Дар ед дори? е тавалуд нашуда буди.Вайхам одамай мисли дигархо,мо призидент интихобаш кардаем.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!