Русский  >>  فارسی  >>  Душанбе 5 декабр 2016, 05:25

Дар Узбакистон рӯзноманигорро ба "майдаавбошӣ" муттаҳам мекунанд

25 сентябр 2013, 09:56

Дар Узбакистон Сергей Наумов, рузноманигори хабаргузории “fergana.ru”-ро ба иттиҳоми “майдаавбошӣ” ба муддати 12 шабонарӯз ҳабс карданд.

Ба гуфтаи ҳуқуқшиносони узбак, дар рафти мурофиаи судии Наумов аз тарафи айбдоркунандаи давлатӣ ва додрас ба қонуншиканиҳо роҳ дода шуда, онҳо ҳукм алайҳи рӯзноманигорро “фармоиш” аз боло медонанд. Бар асоси матни қарори додгоҳ, Сергей Наумов рӯзи 21-уми сенябр тахминан соатҳои 16:00, дар назди дорухонае дар кучаи ал-Хоразмӣ бо як зан, ки аз ӯ Д. Матякубова ном бурда шудааст, бархур мехурад. Дар натиҷа гӯиё рӯзноманигор ба тарафи ин зан ҳамла карда, ӯро дашном дода бошад.

Ин амал аз тарафи додгоҳи Урганҷи Узбакистон тибқи модаи 183-и Кодекси маъмурии ин кишвар ҳамчун вайрон намудани тартибот дониста шудааст.

Ин дар ҳолест, ки Дуня Миятович, раҳбари бахши матбуотии САҲА аз бедарак шудани рӯзноманигори узбак нигаронӣ карда, ба таври расмӣ аз мақомоти Узбакистон талаб кард, то то ба ин қазия рушанӣ андозад.

Маврид ба зикр аст, ки Сергей Наумов рӯзи 21-уми сенябр аз тарафи кормандони пулис дар хонаи худ, воқеъ дар шаҳри Урганҷ боздошт шуда, то кунун беномунишон гардида буд. Ҳар чанд пайвандони ӯ ба мақомоти пулис муроҷиат кардаанд, вале кормандони пулис дар ин бора ибрози беиттилоӣ намудаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Шери нар

  • 26 сентябр 2013 09:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Гуё, ки дар Точикистон ингап ба мисли афсона бошад!!!
Охир ба монанди Зайд Саидов накардан ку!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!