Русский  >>  فارسی  >>  Ҷумъа 9 декабр 2016, 12:38

Боздошти гуруҳи “Алик-Малик”-боз дар Душанбе

25 сентябр 2013, 15:15

Вазорати умури дохилии Тоҷикистон аз боздошти гуруҳе хабар медиҳад, ки дар Душанбе тариқи бозии “Алик-Малик”, бо фиреб маблағи шаҳрвандонро соҳиб мешудаанд.

Ба иттилои манбаъ ин боздошт баъди он сурат гирифт, ки ба шуъбаи корҳои дохилии ноҳияи Сино, Қурбонов Қурбоналӣ Рамазонович, соли таваллудаш 1994, сокини ноҳияи Ҷалолиддини Румӣ, муроҷиат намуда арз доштааст, ки рӯзи 21-уми сентябри соли равон дар бозори фурӯши мошинҳо дар маҳаллаи Гипрозем шахсони номаълум ӯро ба бозии «Алик-Малик» даъват менамоянд: “Қурбонов бозиро, ки ба воситаи 3-адад стакони пластикӣ ва як шарик сурат мегирад, тамошо кардааст, вале аз бозӣ кардан дар он даст мекашад. Аммо ташкилкунандагони бозӣ, ки шумораашон ба 5-6 нафар мерасид, ӯро ба ҳалқа иҳота карда, аз ҳамёни дар дасташ буда, ошкоро ва маҷбурӣ маблағи 700 доллари амрикоӣ ва 200 сомониашро гирифтаанд ва 1 адад стаконро, ки медонистанд, дар дарунаш ҳеч чиз нест мекушоянд ва бозиро бохтӣ гуфта, аз ҷойи ҳодиса ғайб мезананд.”

Ба иттилои ВКД ҳангоми гузаронидани чорабиниҳои фаврӣ-ҷустуҷӯӣ бо гумони ғоратгарӣ шаҳрвандон, Шарипов Аҳмадҷон Егиевич, соли таваллудаш 1981, сокини ноҳияи Рудакӣ, Баротов Муродалӣ Тошмуродович, соли таваллудаш 1985, сокини ноҳияи Восеъ, Зокиров Воҳид Абдуҳамидович, соли таваллудаш 1980, Раҳимов Фирдавс Сайвалиевич ва Кузаев Руслан Элбрусович, соли таваллудашон 1991, сокинони шаҳри Душанбе дастгир карда шуданд ва айни ҳол нисбати ҳодисаи мазкур парвандаи ҷиноӣ оғоз гардида, тафтишот идома дорад.

Ин дар ҳолест, ки чунин гуруҳҳо, ки тариқи се стакон ва як шарик маблағи шаҳрвандонро аз худ мекунанд, дар кӯчаҳои пойтахт зиёд ба назар мерасанд ва баъзан дар зери чашми мақомот мардумфиребӣ мекунанд.


Шарҳи худро бинависед:

Ном:*
E-Mail:
Матни шарҳ:
Посух додан
  • mehrob

  • 25 сентябр 2013 17:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
дар назди бозори автовакзалам хастай алик малик
Посух додан
  • Карим

  • 25 сентябр 2013 20:36
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Якум ин,ки худи бозингаре ки рози мешавад ба ин гуна фиреб,гунахкор аст.Наход то ин дарача одамизод беакл бошад,ки ба фиреби ошкоро бовар кунад. Агар ба ин каллобон хеч кас ахмият надихад,охиста охиста худашон аз ин кор даст мекашанд.Бехуда нагуфтаанд ки БУЛОЧКА ЁФТИ НАХУРИ-УБОЛ АСТ.
Посух додан
  • Малик

  • 25 сентябр 2013 20:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин бадбахтхоро зиндони кунед. Аз хисоби ин бозии харомашон маблаги зиёди мардумро аз худ кардаанд.
Посух додан
  • Фмруз

  • 26 сентябр 2013 09:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ба фикри ман якум худи макомотхои дахлдори хамун махала гунахгоранд, ки пеши рохи ин ходисаро дидаю дониста намегиранд ва барои хамин баъзе мардуми соддаю камбагал гирифтори фиреби ин худозадахо мегарданд

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!